Skotfélag Reykjavíkur

Laugardagur, 27. júní 2015 08:46
Ásgeir Sigurgeirsson komst í úrslit í frjálsri skammbyssu og varð í 5.sæti á fyrstu Evrópuleikunum í Bakú í Azerbajan í síðustu viku. Eins keppti hann í loftskammbyssu og endaði þar í 22.sæti. Hákon Þ.Svavarsson keppti í haglabyssugreininni skeet og hafnaði í 28.sæti. Nánar á heimasíðu keppninnar hérna.

Nýtt Íslandsmet og silfur hjá Erni í skeet

Laugardagur, 06. júní 2015 09:02

5.júní. Keppni í Skeet á Smáþjóðaleikunum lauk í Álfsnesi í dag eftir harða keppni milli Arnar Valdimarssonar, Skotfélagi Reykjavíkur og Georgios Kazakos frá Kýpur þar sem kýpverjinn hafði betur á lokaskotunum. Örn varð því að sætta sig við 2. sætið að þessu sinni en ekki skemmdi það fyrir að hann setti glæsilegt nýtt Íslandsmet í forkeppninni þar sem hann skaut 121 dúfur. Landi Kazakos, kýpverjinn Stefanos Nikolidis setti nýtt Smáþjóðaleikamet þegar hann skaut 123 dúfur í forkeppninni en Nikolidis varð að sætta sig við 3. sætið í lokakeppninni. _Myndir:jak

Silfur og brons í loftskammbyssu karla

Laugardagur, 06. júní 2015 08:54

3.júní. Keppni er lokið í loftskammbyssu karla í Íþróttahúsinu Hátúni en þar stóð Monacobúinn, Boris Jeremenko uppi sem sigurvegari. Jeremenko tókst að komast upp fyrir Ívar Ragnarsson á síðustu skotunum en Ívar hafði verið í forystu megnið af lokakeppninni. Jeremenko skoraði 193,6 stig í lokakeppninni en Ívar 190.7. ívar hreppti því annað sætið í greininni en Thomas Viderö varð í þriðja sæti með 171,7 stig.

Jórunn með silfrið í loftskammbyssu

Laugardagur, 06. júní 2015 08:52

3.júní. Loftskammbyssukeppni kvenna var spennandi í dag. Jórunn Harðardóttir sótti í sig veðrið seinni hluta úrslitakeppninnar og endaði að lokum með silfrið með 188,5 stig en Sylvie Schmit frá Luxemborg vann gullið með 191,8 stig. Bronsið féll í hlut Carine Canestrelli frá Mónakó. Guðrún Hafberg keppti einnig fyrir okkur en komst ekki í úrslit að þessu sinni. Guðrún er elsti keppandi leikanna en hún varð sextug á árinu.

Silfur og brons í 50 metra riffli

Laugardagur, 06. júní 2015 08:50
4.júní. Eric Lanza frá Monaco sigraði í 50metra riffli á Smáþjóðaleikunum með 205 stigum í lokakeppninni (Final) Jón Þór Sigurðsson varð í 2. sæti, einungis einu og hálfu stigi á eftir Lanza. Þriðja sætið féll Íslendingum einnig í skaut en því náði Guðmundur Helgi Christensen með 182,4 stig.

Íris Eva sigraði í Loftriffli í dag

Þriðjudagur, 02. júní 2015 20:20

Íris Eva Einarsdóttir sigraði glæsilega í loftriffli kvenna eftir harða og spennandi keppni í “Final”. Íris Eva jók jafnt og þétt forskot sitt í síðustu skotum keppninnar og sýndi að hún er með stáltaugar.Â Þegar upp var staðið var munurinn á Írisi Evu og Carole Calmes frá Luxembourg 3.4 stig. Íris Eva náði 200,1 stigi í lokakeppninni en Calmes 196,7. Marilena Constantinou frá Kýpur varð í þriðja sæti með 176,8 stig