Að gefnu tilefni vegna ógildingar á starfsleyfi Skotveiðifélags Reykjavíkur og nágrennis, SKOTREYN, skal það áréttað að þar er ekki verið að fjalla um skotsvæði okkar félags. Þar verður opið samkvæmt auglýsingu . Lesa má um afturköllun leyfis SKOTREYNAR hérna.

Reykjavíkurmótið í loftbyssugreinunum fór fram í Egilshöllinni í dag. Reykjavíkurmeistari í loftskammbyssu varð Jórunn Harðardóttir í fullorðinsflokki og Elísabet Xiang Sveinbjörnsdóttir í flokki unglinga. Jórunn varð einnig Reykjavíkurmeistari í keppni með loftriffli og Sigurlína W. Magnúsdóttir í unglingaflokki. Nánari úrslit má finna á úrslitasíðu STÍ hérna: https://sti.is/2025-2026/

Opna Reykjavíkurmótið í Loftskammbyssu og Loftriffli fer fram í Egilshöllinni laugardaginn 18.október í Egilshöllinni í Grafarvogi. Keppni hefst kl. 09:00. Skráning sendist á  Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. UPPFÆRT: Ráslistar komnir hérna

Og hérna verður hægt að fylgjast með skorinu í beinni.

Íslandsmeistaramót Skotíþróttasambands Íslands í haglabyssugreininni “SKEET” fór fram á skotvelli Skotíþróttafélags Suðurlands í samvinnu við Skotfélag Reykjavíkur. Íslandsmeistari karla varð Arnór Logi Uzureau úr Skotíþróttafélagi Hafnarfjarðar með 116/54 stig, annar varð Hákon Þór Svavarsson úr Skotíþróttafélagi Suðurlands með 111/45 stig og í þriðja sæti hafnaði Guðlaugur Bragi Magnússon úr Skotfélagi Akureyrar með 108/38 stig. Í kvennaflokki varð María Rós Arnfinnsdóttir úr Skotfélagi Reykjavíkur Íslandsmeistari með 86/34 stig, önnur varð Dagný Huld Hinriksdóttir úr Skotfélagi Reykjavíkur með 89/33 stig og bronsið vann Snjólaug María Jónsdóttir úr Skotfélaginu Markviss á Blönduósi með 85/24 stig. Í keppni liða sigraði sveit Skotíþróttafélags Hafnarfjarðar með 308 stig, önnur varð sveit Skotíþróttafélags Suðurlands með 295 stig og í þriðja sæti sveit Skotfélags Reykjavíkur með 268 stig. Nálgast má slatta af myndum frá úrslitunum hérna.