Íslandsmótin í loftgreinum um helgina Skoða sem PDF skjal
Föstudagur, 12. apríl 2024 10:36

loftskammb edge 2012Íslandsmótin í loftbyssugreinunum fara fram í Egilshöllinni um helgina. Á laugardeginum hefst keppni kl.09:00 í loftskammbyssu og á sunnudeginum á sama tíma í loftriffli. Alls eru 44 keppendur skráðir til leiks, 28 í loftskammbyssu og 14 í loftriffli.  Final í Loftskammbyssu hefst um kl.13 og í Loftriffli kl.11 

Úrslitakeppnin fer þannig fram að í Loftskammbyssu fara 8 efstu skorin í sameiginlegan FINAL, drengir og karlar saman og svo konur og stúlkur saman. Sama aðferð í Loftrifflinum. 

Keppnisæfing loftskammbyssu er föstudag kl.18-20 Búnaðarskoðun er á sama tíma

Keppnisæfing loftriffli er laugardag kl. 15-17 Búnaðarskoðun er á sama tíma

ATH ! Búið breyta aðeins riðlaskiptingunni:

LOFTSKAMMBYSSA hérna

LOFTRIFFILL hérna

Hérna er hægt að fylgjast með skorinu í beinni.

AddThis Social Bookmark Button
 
Lokað er í Egilshöll yfir Páskana Skoða sem PDF skjal
Miðvikudagur, 27. mars 2024 17:32

Yfir Páskana er lokað í Egilshöllinni. Opnum aftur þriðjudaginn 2.apríl

AddThis Social Bookmark Button
 
Opinn íbúafundur um Álfsnes Skoða sem PDF skjal
Miðvikudagur, 27. mars 2024 10:45

alfsnes allirSkotæfingasvæðið á Álfsnesi. Breyting á aðalskipulagi Reykjavíkur 2040.

Opinn íbúafundur í Klébergsskóla miðvikudaginn 10. apríl kl. 17.30

Á fundinum verður kynnt tillaga að breytingu á aðalskiplagi varðandi skotæfingasvæðið og framtíð svæðisins rædd.

Markmið breytingar er að skapa skilyrði fyrir starfsemi skotfélaganna sem nú er til staðar á svæðinu, til skemmri tíma litið, meðan unnið er að því að finna framtíðarsvæði fyrir skotíþróttir á höfuðborgarsvæðinu.

Umrædd breytingartillaga er nú í auglýsingu (sjá www.skipulagsgatt.is) og hefur frestur til þess að gera athugasemdir verið framlengdur til 18. apríl nk.

AddThis Social Bookmark Button
 
Byssusýning á Veiðisafninu á Stokkseyri Skoða sem PDF skjal
Þriðjudagur, 19. mars 2024 11:00

veidisafnid

Árleg byssusýning Veiðisafnsins á Stokkseyri sem í ár verður í samvinnu við verslunina HLAÐ - Reykjavík og PRS skotíþróttasamtök Íslands laugardaginn 23. og sunnudaginn 24. mars 2024 frá kl. 11–18 í húsakynnum Veiðisafnsins, Eyrarbraut 49  Stokkseyri.

Hjálmar í Hlað og félagar sýna úrval skotvopna sem og búnað til skotveiða ásamt sjónaukum og aukabúnaði til sýnis og sölu.

Kynntir verða rifflar frá Blaser, Sauer, haglabyssur frá Sauer og Blaser, einnig sjónaukar frá Zeiss og Blaser ásamt hljóðdeyfum frá Hausken, Freyr & Devik, endurhleðsluvörum og fl.  Einnig verður skothermir á staðnum.

Félagsmenn PRS verða á staðnum og sýna keppnisriffla sína og aukabúnað sem notaður er til íþróttaiðkunarinnar og er hér kjörið tækifæri til að tala við þá um græjurnar og  og fræðast um íþróttina.  PRS stendur fyrir Precision Rifle Series og er mótasería þar sem keppt er með nákvæmisrifflum og skotið á stálskotmörk á lengri færum. Keppt er bæði með miðkveiktum kaliberum í íslensku PRS mótaseríunni og randkveiktum 22lr. rifflum í PR22 mótaseríunni.

Einnig verða til sýnis skotvopn og munir frá Sigurði Ásgeirssyni, Einari frá Þverá, Sveini Einarssyni frv.veiðistjóra, Sigmari B. Haukssyni og Drífu-haglabyssur frá Jóni Björnssyni heitnum frá Dalvík ásamt úrvali skotvopna svo sem haglabyssur, rifflar, skammbyssur, herrifflar ásamt ýmsu tengdu skotveiðum frá Veiðisafninu.


Allt áhugafólk um skotvopn og veiðar er velkomið, aðgangseyrir er kr.1750.- fl. og 850.- kr. börn 6-12 ára.


Nánari upplýsingar má sjá:
www.veidisafnid.is www.hlad.is www.prsiceland.is

 

 

AddThis Social Bookmark Button
 
Þórir sigraði í þrístöðunni á Ísafirði Skoða sem PDF skjal
Mánudagur, 11. mars 2024 07:51

3pLandsmót STÍ í riffilgreinunum 50m og 50m Þrístöðu fóru fram um helgina á Ísafirði.

Á sunnudeginum var keppt í þrístöðunni og sigraði Þórir Kristinsson úr SR með 538 stig, Valur Richter úr SÍ varð annar með 519 stig og bronsið hlaut Leifur Bremnes með 502 stig.

Á laugardeginum var keppt í 50m liggjandi og sigraði Guðmundur Valdimarsson úr SÍ með 611,7 stig, Valur Richter úr SÍ varð annar með 607,6 stig og þriðji varð Leifur Bremnes úr SÍ með 606,9 stig. Karen Rós Valsdóttir úr SÍ hlaut gullið í unglingaflokki með 526,4 stig.

Nánari úrslit má finna á úrslitasíðu STÍ, https://sti.is/mot-og-urslit-2023-2024/

AddThis Social Bookmark Button
 
Aðalskipulagsbreyting komin í Skipulagsgáttina Skoða sem PDF skjal
Fimmtudagur, 22. febrúar 2024 09:43

alfsnes_loftmyndBreytingin á Aðalskipulagi Reykjavíkurborgar til að hægt verði að leyfa starfsemi félagsins á Álfsnesi er komin inní umsagnarferli í Skipulagsgáttinni: https://skipulagsgatt.is/issues/2023/716

Það er opið fyrir athugasemdir til 4.apríl en þá tekur við úrlausnartími sem er einhverjar vikur. Þegar þetta rennur í gegn þá fyrst getur félagið sótt um nýtt starfsleyfi !!

 

Vek athygli ykkar á að umrædd aðalskipulagstillaga verður til kynningar í skipulagsgáttinni frá 22. febrúar og með athugasemdafresti til 4. apríl nk., sbr. hér að neðan og meðfylgjandi hlekk:  https://skipulagsgatt.is/issues/2023/716

Tillaga að breytingu á Aðalskipulagi Reykjavíkur 2040

Skotæfingasvæði á Álfsnesi

Skilgreining íþróttasvæðis (ÍÞ9)

Borgarráð Reykjavíkur samþykkti þann 25. janúar 2024, að auglýsa tillögu að breytingu á Aðalskipulagi Reykjavíkur 2040, samkvæmt 1. mgr. 36. gr, sbr. 31. gr. laga nr. 123/2010.

Í tillögunni felst að breyta hluta iðnaðarsvæðis (I2) og opins svæðis (OP28) í íþróttasvæði fyrir skotæfingar og skotíþróttir (ÍÞ9). Markmið breytingar er að skapa áframhaldandi skilyrði fyrir starfsemi skotfélaganna sem nú er til staðar á svæðinu, til skemmri tíma litið, meðan unnið er að því að finna framtíðarsvæði fyrir skotíþróttir á höfuðborgarsvæðinu. Tillagan er kynnt í skipulagsgáttinni, samráðsvettvangi um skipulagsmál og mat á umhverfisáhrifum; sjá www.skipulagsgatt.is. Auglýsingin stendur yfir frá 22. febrúar 2024 til 4. apríl, 2024. Óskað er eftir því að athugasemdum verði komið á framfæri á vettvangi skipulagsgáttar fyrir 4. apríl 2024. Þeir sem óska nánari upplýsinga geta snúið sér til umhverfis- og skipulagssviðs Reykjavíkurborgar ( Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. ).

Umhverfis- og skipulagssvið Reykjavíkurborgar

AddThis Social Bookmark Button
 
<< Fyrsta < Fyrri 1 2 3 4 5 6 7 8 9 10 Næsta > Síðasta >>

Síða 1 af 286

Á Döfinni

Auglýsing
Álfsnes - leiðarvísir
Auglýsing
Álfsnes - Skotsvæði
Auglýsing
Egilshöll - 50m salur
Auglýsing
Egilshöll - Loftbrautir
Auglýsing
Auglýsing
Auglýsing
Auglýsing
Auglýsing
Auglýsing
Auglýsing
Auglýsing
Auglýsing
Auglýsing