Skotfélag Reykjavíkur

Mánudagur, 17. ágúst 2026 08:19

Drög að endurnýjuðu starfsleyfi vegna starfsemi félagsins á Álfsnesi hafa verið birt á vef Reykjavíkurborgar og má skoða þau hérna.Birtingartíminn er til 10.september og má á þeim tíma gera athugasemdir við drögin. Breyting á lögum um starfsleyfi virðast ekki hafa gefið Heilbrigðiseftirliti möguleika á að stytta þennan auglýsingatíma en í nýju lögunum er þeim gert mögulegt að stytta tímann í eina viku ef um endurnýjun án mikilla breytinga á skilyrðum er að ræða. En hvað um það við sjáum þó fram á að geta hafið einhverja starfsemi seinni partinn í september. Tekjutap félagsins er orðið gríðarlegt vegna þessarar lokunar og hafa verið nefndar tölu sem nema milljónatugum. Við ættum þó að geta tekið að okkur verklega þátt skotvopnaprófanna í lok september og tekið við þeim höfuðborgarbúum sem hefðu annars þurft að sækja þau námskeið til annara skotfélaga með tilheyrandi kostnaði.ÂÂÂÂ

Dagný og Sólveig Íslandsmeistarar

Mánudagur, 27. júlí 2026 11:18
Dagný Huld Hinriksdóttir úr SR varð Íslandsmeistari í kvennaflokki í haglabyssugreininni Compak Sporting en mótið fór fram á Akureyri um helgina. Í unglingaflokki varð Sólveig Jónsdóttir úr SR Íslandsmeistari. Lið SR varð í þriðja sæti á mótinu en það skipuðu Jón Valgeirsson, Þorri Helgason og Dagný H. Hinriksdóttir.

Félagið er 159 ára í dag

Þriðjudagur, 02. júní 2026 19:04

Félagið okkar er 159 ára í dag, stofnað 2.júní 1867 !!Â

Hérna er fróðleikur um söguna

Sumarfjarnám ÍSÍ í þjálfun

Miðvikudagur, 27. maí 2026 15:28

Minnum félagsmenn á sumarþjálfaranámið í þjálfaramenntun ÍSÍ en hægt er að taka sérgreinahluta hjá ISSF - International Shooting Sport Federation https://www.issf-sports.org/academy Félagið styrkir þá sem mennta sig til þjálfunar hjá félaginu.

Sumarfjarnám ÍSÍ í þjálfaramenntun 1. og 2. stigs hefst mánudaginn 8. júní næstkomandi.

Námið er almennur hluti menntakerfisins og gildir jafnt fyrir allar íþróttagreinar.
Sérgreinaþátt þjálfaramenntunarinnar sækja þjálfarar hjá viðkomandi sérsambandi ÍSÍ.
Skráning:
Skráning fer fram á Abler: http://www.abler.io/shop/isi
Nemendur velja viðeigandi námskeið og ganga frá greiðslu í heimabanka.
Nýir notendur í Abler þurfa að stofna aðgang undir „Nýr notandi.“ Upplýsingar um verð er að finna þarna við skráningu í Abler.
Allar nánari upplýsingar veitir:
Viðar Sigurjónsson, sérfræðingur á stjórnsýslusviðið ÍSÍ,ÂÂ ÂÂ Sími; 514-4000 / 863-1399
Netfang: Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Fyrsta Landsmótið í Compak Sporting í Hafnarfirði

Sunnudagur, 10. maí 2026 20:09

Landsmót í Compak Sporting fór fram um helgina á svæði Skotíþróttafélags Hafnarfjarðar. Skotnar voru 200 dúfur 125 í gær laugardag og 75 í dag, Skotfélag Reykjavíkur átti 5 keppendur á mótinu. Jóhann Ævarsson frá Skotfélagi Akureyrar sigraði á 180 dúfum, Jón Valgeirsson frá Skotfélagi Reykjavikur og Theodór Þórólfsson frá Skotfélagi Akureyrar voru jafnir á 179 dúfum en Jón hafði betur í shoot off og tók annað sætið og Theodór endaði 3. Fjögur lið voru skráð til keppni og hafnaði sveit Skotfélags Akureyrar í 1 sæti á 527, en hana skipaði Jóhann Ævarsson, Theodór Þórólfsson og Jónmundur Guðmarsson. Sveit Skotfélags Reykjavíkur var önnur á 506 dúfum en hana skipaði Jón Valgeirsson, Þorri Helgason og Dagný H.Hinriksdóttir. Í þriðja sæti var svo B sveit Skotíþróttafélags Hafnafjarða á 480 dúfum, en hana skipaði Ásbjörn Sírnir Arnarsson, Timo Salsola og Bæring Ágústson. Í unglingaflokki sigraði Hergill Henning Kristinsson úr Skotíþróttafélagi Hafnafjarðar á 151 dúfu. Myndir frá mótinu á Facebook síðunni

Íslandsmótið í Fríbyssu í dag

Sunnudagur, 10. maí 2026 19:43
Íslandsmeistaramótið í Staðlaðri skammbyssu fór fram í Egilshöllinni í dag. Adam Ingi Höybye Franksson úr Skotíþróttafélagi Kópavogs sigraði með 476 stig, Bjarni Sigurðsson úr Skotdeild Keflavíkur varð annar með 428 stig og bronsið vann Magni Mortensen úr Skotfélagi Reykjavíkur með 426 stig. Nánar á úrslitasíðunniÂ hérna og einsÂ myndir hérna.