Heimsmeistaramótinu í haglabyssu er nú lokið. Okkar menn stóðu sig með prýði í skeet en Sigurður U. Hauksson varð í 81.sæti með 114/125 stig (22-23-24-25-20), Örn Valdimarsson varð í 90.sæti með 113/125 stig (24-22-23-23-21) og Hákon Þ. Svavarssonendaði í 96.sæti með 112/125 stig (23-23-23-23-20). Skorið heldur lægra en þeir hafa verið að ná undanfarið en flott frammistaða á stærsta móti ársins, þar sem keppendur voru 150 talsins. Vincent Hancock frá USA sigraði eftir bráðabana í úrslitum við Anthony Terras frá Frakklandi, en hann jafnaði heimsmetið í undankeppninni með fullu húsi 125/125 stig. Í þriðja sæti varð svo Ítalinn Gabriele Rosetti. Sjá má úrslitakeppnina nánar hérna og síðan undankeppnina á þessari slóð.  _{^{©2015ISSF|Photo:Nicolò Zangirolami}}

UPPFÆRT: Fyrri degi er nú lokið og eru okkar menn allir með 69/75 eftir keppni dagsins og eru um miðjan hóp keppenda.

 Keppni í haglabyssugreininni skeet hefst í dag á heimsmeistaramótinu sem fer fram í Lónató á Ítalíu. Ísland á þar þrjá keppendur í karlaflokki, Örn Valdimarsson, Sigurð U. Hauksson og Hákon Þ. Svavarsson. Hægt er að fylgjast með gangi mála á þessari slóð.

Örn Valdimarsson tryggði sér í dag Bikarmeistaratitil STÍ í skeet. Sigurður U. Hauksson varð Reykjavíkurmeistari. Örn sigraði einnig í A-keppni Opna Reykjavíkurmótsins, A-sveit Skotfélags Reykjavíkur vann liðakeppnina og Gunnar Sigurðsson vann B-keppni mótsins. Nokkrar myndir frá verðlaunaafhendingunni eru hérna.

Dagný H. Hinriksdóttir er Reykjavíkurmeistari kvenna í skeet eftir fyrri daginn á SR Open sem haldið er á Álfsnesi um helgina. Helga Jóhannsdóttir úr Skotíþróttafélagi Hafnarfjarðar varð Bikarmeistari kvenna í skeet 2015. Í opna flokknum er Sigurður Unnar Hauksson efstur með 70 stig, Örn Valdimarsson er annar með 69 stig og í þriðja sæti er Pétur T. Gunnarsson með 66 stig. Keppnin heldur áfram á morgun. Nokkrar myndir frá keppni dagsins verða aðgengilegar hérna.

Staðan í karlaflokki til Bikarmeistara STÍ er þannig fyrir Bikarmótið að efstur er Grétar M. Axelsson úr SA með 45 stig, annar er Örn Valdimarsson úr SR með 43 stig, þriðji er Guðlaugur B. Magnússon úr SA með 41 stig og í fjórða til fimmta sæti eru Hákon Þ.Svavarsson úr SFS og Sigurður U. Hauksson úr SR með 40 stig. Skotmenn safna stigum yfir keppnistímabilið þannig að fyrir 1.sæti fá menn 15 stig, 14 stig fyrir annað og svo koll af kolli. Þrjú bestu mót tímabilsins telja að viðbættu Bikarmótinu.

Um helgina er Reykjavík Open haglabyssumótið á dagskrá á Álfsnesi. Samhliða er Bikarmeistaramót STÍ haldið. Æfingatími keppenda 17-20 á föstudag.