|
Laugardagur, 06 Mars 2010 12:07 |
|
Nú stendur yfir Bikarmót STÍ í Loftskammbyssu og Loftriffli. Félagið sendi 8 keppendur til leiks. Mótið er haldið í aðstöðu Skotfélags Kópavogs í Íþróttahúsinu að Digranesi (HK-höllinni). Úrslit hefjast kl.16:15.
|
|
Fimmtudagur, 04 Mars 2010 00:14 |
|
Fyrsta hleðslunámskeiði Ellingsen, í samvinnu við Skotfélag Reykjavíkur, var haldið 27. feb sl. og var þátttaka góð. 8 nemendur sóttu námskeiðið, en kennari var Jóhann Vilhjálmsson, byssusmiður.
|
|
Lesa meira...
|
|
Miðvikudagur, 03 Mars 2010 21:58 |
|
Úrslitin eru loksins kominn inn á síðuna, sjá nánar frétt frá Áramótinu.
|
|
Laugardagur, 27 Febrúar 2010 19:29 |
 Okkar maður, Karl Kristinsson varð í dag Bikarmeistari STÍ í Staðlaðri skammbyssu á Bikarmóti STÍ sem haldið var í Digranesi í Kópavogi. Í öðru sæti varð Gunnar Sigurðsson og í þriðja sæti Jón Árni Þórisson, allir úr Skotfélagi Reykjavíkur. Myndir frá mótinu eru komnar hérna.
|
|
Þriðjudagur, 16 Febrúar 2010 15:42 |
|
Hér á árum áður var blómleg starfsemi á útisvæði Skotfélags Reykjavíkur upp í Leirdal. Félagsmenn höfðu af vinnusemi og fórnfýsi byggt þar upp góða aðstöðu bæði til haglabyssu og riffilskotfimi. Fjölmörg mót voru haldin árlega í báðum greinum. Síðustu árin sem félagið hafði yfirráð yfir svæðinu í Leirdal voru haldin innanfélags mót í benchrest skotfimi mánaðarlega allan veturinn. Bæði var keppt í grúppu skotfimi og score. Síðan voru Íslandsmót á sumrin...
|
|
Lesa meira...
|
|
Sunnudagur, 14 Febrúar 2010 14:19 |
|
Á laugardaginn fór fram landsmót STÍ í loftbyssugreinunum. Í loftskammbyssu karla sigraði Ásgeir Sigrugeirsson en í kvennaflokki Jórunn Harðardóttir. Í loftriffli sigraði Guðmundur Helgi Christensen. Nánari úrslit eru hérna og eins eru komnar myndir hérna.
|
|
Sunnudagur, 14 Febrúar 2010 13:32 |
|
Arnfinnur Jónsson SFK sigraði í dag á STÍ móti í Enskri Keppni ( 60 skot liggjandi ) með minnsta mögulega mun. Hann skaupt 579 stig, sama og Guðmundur Helgi, SR, sem hafnaði í öðru sæti. Arnfinnur náði 23 X-tíum en Guðmundur Helgi 22 X-tíum sem skar úr um fyrsta og annað sætið. Stefán Eggertsson SFK varð í þriðja sæti með 569 stig.
|
|
Fimmtudagur, 11 Febrúar 2010 16:57 |
|
Riðslaskipting landsmótsins í loftbyssugreinunum á laugardaginn er komin hérna.
|
|
|
Þriðjudagur, 09 Febrúar 2010 20:39 |
|
Þeir sem enn hafa ekki skráð sig á mótin um næstu helgi geta sent okkur beiðni nú þegar eða fyrir kl.23 í kvöld. Mótin eru í loftskammbyssu, loftriffli og enskum riffli.
|
|
Laugardagur, 06 Febrúar 2010 16:02 |
|
Ásgeir náði að landa bronsinu í Hollandi í dag. Eftir spennanid final varð hann 0,7 stigum á undan næsta manni. Þess má einnig geta að hann keppti í dag í liði með skotmönnum frá Luxemburg og unnu þeir liðakeppnina, þannig að kallinn er með 2 gull, 1 silfur og 1 brons eftir þessa mótaröð í Hollandi. Frábær árangur og óskum við honum til hamingju með þetta.
|
|
Föstudagur, 05 Febrúar 2010 14:25 |
|
Eftir gríðarlega spennandi úrslitakeppni endaði Ásgeir í 2.sæti, rétt á eftir Ólympíumeistaranum Kiriakov. Þriðja og síðasta mótið hjá honum er svo í fyrramálið kl. 10:15
|
|
Föstudagur, 05 Febrúar 2010 11:23 |
|
Ásgeir er nú í þriðja sæti fyrir úrslitakeppnina, sem hefst kl.13:45 á eftir. Keppnin verður afar spennandi því aðeins skilja 3 stig efstu 7 skotmennina. Hægt er að fylgjast með skorinu í beinni útsendingu hérna
|
|
Föstudagur, 05 Febrúar 2010 11:18 |
Hleðslunámskeið verða haldin í félagsheimili okkar á Álfsnesi laugardagana 13. 20. og 27.Febrúar 2010, Kl. 11.00-15.00 Kennari er Jóhann Vilhjálmsson Námskeiðin gefa fyrir þá sem hafa B- réttindi , hleðsluréttindi E.Námskeiðið er viðurkennt af Ríkislögreglustjóra.Námskeiðin eru kostnaðarlaus fyrir skuldlausa félaga SR og þá sem hafa keypt heil sett til endurhleðslu hjá versluninni Ellingsen.Ennfremur frí fyrir þá sem hafa hugsað sér að að panta hleðslusett hjá Ellingsen,15% afsláttur af hleðsluvörum strax eftir námskeið og 15 % afsláttur af pöntuðum settum. Þeir sem ekki uppfylla ofangreind skilyrði greiða kr. 5,000 í námskeiðsgjald. Hámarks fjöldi þátttakanda á hverju námskeiði er 10 manns. Skráning á námskeiðið:
|
|
Fimmtudagur, 04 Febrúar 2010 16:51 |
|
Mótinu í Hollandi var að ljúka með sigri Ásgeirs. Samtals náði hann 677,9 stigum en Tanyu Kiriakov, fyrrum Ólympíumeistari, þjarmaði að honum í lokin og endaði á 677,3 ! Sauca féll niðrí 3ja sætið með 676,6 stig. Þar með landaði Ásgeir sínum fyrsta sigri á Aljóðlegu móti utan Smáþjóðaleikanna. Á morgun verður svo haldið áfram og hefst keppnin í karlaflokki kl. 7:00 að okkar tíma en finalinn verður kl.13:45.
|
|
Fimmtudagur, 04 Febrúar 2010 13:30 |
|
Þá er undankeppninni í Hollandi lokið í dag og er Ásgeir í 1.sæti með 578 stig. Hann var að skjóta ágætlega framan af 95-99-98-96-98 en átti slakan endi, 92. Í öðru sæti er Rúmeninn Alexandru Sauca með 577 og í því þriðja er Búlgarinn Tanyu Kiriakov mðe 576 stig, en hann hefur þrívegis hlotið verðlaun á Ólympíuleikum, gullið fékk hann 1988 í loftskammbyssunni og brons 1996 en síðan fékk hann gullið í fríbyssunni árið 2000 í Sidney. Í fyrra hafnaði hann í 9.sæti í loftskammbyssunni. Það er því ljóst að finallinn verður afar spennandi en hann hefst að okkar tíma kl.16:00.
|
|
Miðvikudagur, 03 Febrúar 2010 14:59 |
|
Skammbyssuskyttan okkar hann Ásgeir Sigurgeirsson, er nú staddur í Haag í Hollandi. Hann er þar að taka þátt í Intershoot en það eru þrjú sterk mót, 1 mót á dag í loftbyssugreinunum. Hann keppir þar í loftskammbyssu karla. Verður hægt að fylgjast með skorinu hans í beinni útsendingu hérna næstu þrjá daga, á morgun fimmtudag kl.11:30, að íslenskum tíma, og svo final kl.16:00, föstudag kl. 07:00 og final kl.13:45 og á laugardaginn kl.10:15 og finalinn kl.15:30. Vefmyndavélar eru einnig í keppnissalnum og má þar fylgjast með keppendum.
|
|
Á Bikarmóti STÍ í dag sigraði Ásgeir Sigurgeirsson í loftskammbyssu karla, Jórunn Harðardóttir í kvennaflokki, A-liðið í liðakeppninni og Guðmundur Helgi Christensen í loftriffli karla.
