|
Föstudagur, 07. febrúar 2025 14:21 |
|
 Af óviðráðanlegum orsökum varð að breyta dagsetningu á Íslandsmótinu í Skeet sem átti að vera dagana 15.-17.ágúst en verður í staðinn 8.-10.ágúst
|
|
|
Mánudagur, 27. janúar 2025 07:59 |
|
    Keppni í Loftriffli á Reykjavíkurleikunum er nú lokið. Í unglingaflokki sigraði Sigurlína Wium Magnúsdóttir með 566,8 stig, Úlfar Sigurbjarnarson varð annar með 521,1 stig og bronsið hlaut Starri Snær Tómasson með 348,2 stig. Þau koma öll úr Skotfélagi Reykjavíkur. Í opna flokknum sigraði Íris Eva Einarsdóttir úr Skotfélagi Reykjavíkur með 236,4 stig, Jórunn Harðardóttir einnig úr Skotfélagi Reykjavíkur varð önnur með 234,6 stig og í þriðja sæti varð Leifur Bremnes úr Skotíþróttafélagi Ísafjarðar með 205,8 stig. Í flokki fatlaðra hlaut Þór Þórhallsson gullið í SH2-R4 með 620,4 stig og í flokki SH2-R5 með 624,4 stig.
Í fyrsta sinn á Íslandi var keppt í parakeppni í Loftskammbyssu á RIG. Fjögur pör tóku þátt að þessu sinni en sveit Skotfélags Reykjavíkur skipuð þeim Jórunni Harðardóttur og Magna Þór Mortensen sigraði með 520 stig, sem skráist sem nýtt Íslandsmet. Sameinuð sveit með þeim Adam Inga H.Frankssyni úr Skotíþróttafélagi Kópavogs og Elísabetu X. Sveinbjörnsdóttur úr Skotfélagi Reykjavíkur varð önnur með 500 stig og í þriðja sæti hafnaði sveit Skotíþróttafélags Kópavogs skipuð Maríu Lagou og David Enjuto Rodriguez með 479 stig.
Þess má einnig geta að þetta er annað Íslandsmet Jórunnar því í gær bætti hún Íslandsmet sitt í úrslitum í Loftskammbyssunni með skori uppá 227,4 stig.
|
|
Laugardagur, 25. janúar 2025 19:46 |
|
  Keppni í Loftskammbyssu á Reykjavíkurleikunum er nú lokið. Í opnum flokki fullorðinna sigraði Jón Þór Sigurðsson úr Skotíþróttafélagi Kópavogs með 230,8 stig (563), Jórunn Harðardóttir úr Skotfélagi Reykjavíkur varð önnur með 227,4 stig (547) og bronsið hlaut Ívar Ragnarsson úr Skotíþróttafélagi Kópavogs með 207,7 stig (559). Elísabet X. Sveinbjörnsdóttir úr Skotfélagi Reykjavíkur hlaut gullið í unglingaflokki með 498 stig. Í liðakeppninni sigraði A-sveit Skotíþróttafélags Kópavogs með 1,666 stig, önnur varð A-sveit Skotfélags Reykjavíkur með 1,580 stig og þriðja sætið vann A-sveit Skotdeildar Keflavíkur með 1,576 stig.
|
|
Sunnudagur, 12. janúar 2025 16:50 |
|
 
 Félagið verður með opna æfingu og kynningu á Ólympískri skotfimi með rifflum og skammbyssum í Egilshöllinni laugardaginn 18. janúar n.k. kl. 12-14. Á staðnum verða þjálfarar og leiðbeinendur félagsins. Kennt verður annars vegar á nýuppsettan búnað sem félagið hefur fjárfest í með stuðningi Íþróttasjóðs ríkisins. Um er að ræða ljósgeislabyssur sem engin hætta stafar af. Ungmenni eldri en 15 ára og fullorðnir geta prófað loftriffil og loftskammbyssu. Börn og ungmenni undir 18 ára aldri þurfa að framvísa skriflegri heimild frá foreldrum sem má nálgast hérna eða mæta með forráðamanni. |
|
Fimmtudagur, 09. janúar 2025 07:17 |
|
 Vegna meiðsla og veikindahrinu hjá okkar fólki, hefur SFK boðið okkur að halda landsmótið í staðlaðri skammbyssu í aðstöðu sinni í Digranesi. Keppnisæfing verður á föstudaginn kl.18-19 en keppni hefst á laugardaginn kl.09:00. Riðlaskiptingu má sjá hérna á uppfærðu skjali
|
|
Sunnudagur, 05. janúar 2025 08:55 |
|
 Umhverfisstofnun hefur framlengt bráðabirgðastarfsleyfið á Álfsnesi. Leyfið er aðgengilegt hérna. Unnið er að varanlegu starfsleyfi en sú vinna hefur tafist aðeins en það styttist í að auglýst verði drög að nýju starfsleyfi frá Reykjavíkurborg. Þetta þýðir að við getum skipulagt starfið á svæðinu út þetta ár og mun það verða gefið út innan skamms, hvaða mótahald verður á svæðinu. Reiknum við með að allavega verði Íslandsmótið í Skeet haldið um miðjan ágúst og jafnvel Íslandsmótið í Compak Sporting í júlí. Einnig reiknum við með Landsmóti í skeet í júní og á SR Open í Skeet í byrjun september verði samhliða keppt með riffli á Íslandsmóti í Bench Rest skori.Â
|
|
|
<< Fyrsta < Fyrri 1 2 3 4 5 6 7 8 9 10 Næsta > Síðasta >>
|
|
Síða 1 af 292 |
