Á fimmtudaginn 24.júlí kl. 19-21 verður Hlað ehf. með kynningu á Sightmark sjónaukum á riffilvellinum

Tilkynning frá Heilbrigðiseftirliti Reykjavíkur vegna gosmóðu frá eldgosinu við Sundhnúksgígaröð 18. júlí 2025

Í morgun hefur mistur legið yfir sundunum og hækkuð gildi fínasta svifryksins mælst á mælistöðvum í Hvalfirði. Samkvæmt upplýsingum frá Veðurstofu Íslands er um gosmóða að ræða sem hefur ferðast yfir landið og er nú að ná höfuðborginni.  Gosmóða inniheldur mengun sem hefur náð að umbreytast m.a. í SO₄ (súlfat) og brennisteinssýru og greinist hún því ekki með hefðbundnum mælingum á  brennisteinsdíoxíði (SO₂) en mælingar á fínna svifryki gefa vísbendingar um að þessi mengun sé til staðar. Gildi fínasta svifryksins eru farin að hækka á mælistöðvum í Kópavogi og má gera ráð fyrir að gosmóðan sé á leið yfir borgina.

Íslandsmeistaramót Skotíþróttasambands Íslands í haglabyssugreininni “Compak Sporting” fór fram á skotsvæði Skotfélags Reykjavíkur á Álfsnesi um helgina. Í greininni er skotið á 100 leirdúfur hvorn daginn og er mest hægt að ná 200 stigum í keppninni. Í kvennaflokki sigraði Dagný Huld Hinriksdóttir úr Skotfélagi Reykjavíkur með 158 stig, í öðru sæti varð Snjólaug María Jónsdóttir úr Skotfélaginu Markviss á Blönduósi með 156 stig og bronsið vann Þórey Inga Helgadóttir úr Skotfélagi Reykjavíkur með 108 stig.

Í karlaflokki sigraði Ævar Sveinn Sveinsson úr Skotíþróttafélagi Hafnarfjarðar með 185 stig, Jón Valgeirsson úr Skotfélagi Reykjavíkur varð annar með 184 stig og í þriðja sæti hafnaði Jóhann V. Ævarsson úr Skotfélagi Akureyrar með 183 stig. Aðeins einn keppandi mætti í unglingaflokk, Hergill Henning Kristinsson úr Skotíþróttafélagi Hafnarfjarðar, með 128 stig og hlaut því titilinn Íslandsmeistari Unglinga. Í liðakeppninni sigraði A-sveit Skotfélags Akureyrar, A-sveit Skotíþróttafélags Hafnarfjarðar varð önnur og í þriðja sæti varð B-sveit Skotfélags Akureyrar.

Skorblaðið eftir fyrri daginn á Íslandsmeistaramótinu í Compak Sporting á velli Skotfélags Reykjavíkur á Álfsnesi í dag .....

Íslandsmeistaramótið í keppni með 22ja kalibera rifflum, (BR50 Hunter) fór fram á svæði Skotfélags Reykjavíkur á Álfsnesi í dag. Skotið er á 50 metra færi á þrjár skífur sem hver er með 25 skorhringjum. Mest er hægt að ná 750 stigum og X-tíur geta flestar orðið 75. Íslandsmeistari í opnum flokki varð Davíð Bragi Gígja úr Skotfélagi Reykjavíkur á nýju Íslandsmeti 746/45x stig, en hann átti sjálfur fyrra metið sem hann setti á opnu móti í Frakklandi í apríl. Annar varð Kristján Arnarson úr Skotfélagi Húsavíkur með 740/25 stig og bronsið vann Jón B. Kristjánsson úr skotfélaginu Markviss á Blönduósi með 739/39x stig. Í unglingaflokki sigraði Hólmgeir Örn Jónsson úr Skotíþróttafélagi Kópavogs með 731/37x stig sem jafnframt er nýtt Íslandsmet. Silfrið hlaut Samúel Ingi Jónsson úr skotfélaginu Markvsiss frá Blönduósi með 730/32x stig. Nánar á úrslitasíðu STÍ og eins má finna myndir hérna.