Á landsmóti STÍ í haglabyssugreininni Skeet, sem haldið var á velli Skotíþróttafélags Suðurlands við Þorlákshöfn, sigraði Örn Valdimarsson úr SR í karlaflokki með 114+12+11 stig. Annar varð Hákon Þ. Svavarsson úr SFS með 114+12+9 stig og þriðji Guðlaugur B. Magnússon úr SA með 105+13+13 stig. Í liðakeppninni sigraði A-sveit Skotfélags Reykjavíkur með 308 stig en hana skipuðu Örn Valdimarsson, Sigurður U. Hauksson og Kjartan Ö. Kjartansson. Í öðru sæti varð B-sveit Skotfélags Reykjavíkur með 296 stig en hana skipa Guðmundur Pálsson, Karl F. Karlsson og Sigtryggur Á. Karlsson. Í þriðja sæti hafnaði sveit Skotíþróttafélags Hafnarfjarðar með 284 stig en sveitina skipa Jakob Þ. Leifsson, Sigurður J. Sigurðsson og Aðalsteinn Svavarsson. í kvennaflokki sigraði Dagný H. Hinriksdóttir úr SR með 43+8+7/2 stig eftir bráðabana við Snjólaugu M. Jónsdóttur úr MAV með 48+8+7/1 stig. Árangur Snjólaugar í undankeppninni, 48 stig, er jafnframt jöfnun á hennar eigin Íslandsmeti. í þriðja sæti varð Helga Jóhannesdóttir úr SÍH með 38+12+10 stig.

Guðmundur Helgi Christensen úr SR sigraði, með 613,2 stig, á Landsmóti STÍ í 50 metrum liggjandi en keppt var í fyrsta skipti úti, á svæði Skotfélags Reykjavíkur á Álfsnesi. Vígðar voru nýju tölvubrautirnar frá SIUS sem verða notaðar á Smáþjóðaleikunum í byrjun Júní. Í örðu sæti varð Valur Richter úr SÍ með 607,9 stig og í 3ja sæti hafnaði Ívar Már Valsson úr SÍ með 601,6 stig. Í liðakeppninni sigraði sveit Skotfélags Reykjavíkur með 1.800,2 stig en sveitina skipuðu Guðmundur Helgi, Þorsteinn Bjarnarson og Þórir Kristinsson. Sveit Skotíþróttafélags Ísafjarðar varð önnur með 1.796,3 stig, en sveitna skipuðu Valur Richter, Ívar Valsson og Leifur Bremnes. Í kvennaflokki var einn keppandi, Jórunn Harðardóttir með 607,7 stig. Nokkrar myndir frá mótinu eru hérna.

Ásgeir Sigurgeirsson lauk keppni í frjálsu skammbyssunni í 24.sæti með 554 stig. Hann keppir svo í loftskammbyssu á mótinu á mánudaginn kl.14:15.

Keppt verður í 50 metra keppninni 60skot liggjandi með cal.22lr rifflum á Álfsnesi á laugardaginn. Notaðar verða nýju SIUS tölvugræjurnar sem verða notaðar á Smáþjóðaleikunum í byrjun júní. Keppni hefst kl.10:00, en keppendur eru 10 talsins þannig að aðeins er keppt í einum riðli. Lokað verður fyrir aðra skotfimi í riffilskýlinu á meðan keppni stendur yfir og þar til búnaðurinn hefur verið tekinn niður eftir keppnina.

Ásgeir Sigurgeirsson komst í gegnum niðurskurðinn á heimsbikarmótinu í USA í dag. Hann skaut 540 stig í frjálsu skammbyssunni og keppir því í aðalkeppninni á morgun.