Ásgeir Sigurgeirsson er nú kominn til USA nánar tiltekið á heimsbikarmótið í Fort Benning sem hefst á morgun. Hann keppir í frjálsri skammbyssu á miðvikudaginn að kl.15:45 að ísl.tíma og á fimmtudaginn kl.13:15 ef allt gengur að óskum. Mánudaginn 18.maí keppir hann svo í loftskammbyssu kl.14:15. Dagskrá mótsins er hérna

Þá er 50 metra battinn sem tölvubrautirnar verða hengdar á, komnar upp og tilbúnar fyrir SIUS.

Á Christensenmótinu var keppt í sameiniuðum karla-og kvennaflokki. Í Loftskammbyssu sigraði Ásgeir Sigurgeirsson með 580 stig, annar varð Thomas Viderö með 563 stig og þriðji Nicolas Jeanne. Í loftriffli sigraði Íris Eva Einarsdóttir með 609,6 stig, í öðru sæti varð Jórunn Harðardóttir með 590,1 stig og þriðji varð Guðmundur Helgi Christensen með 584,7 stig. Myndir frá mótinu koma hérna.

Minnum alla á Christensen-mótið sem haldið verður að venju í Egilshöllinni á miðvikudaginn kemur 6.maí og hefst það kl.17. Skotmenn þurfa að byrja á tímanum kl. 17 til 19:30. Keppt er í opnum flokki í loftskammbyssu og loftriffli, 60 skot. Hér eru úrslit mótsins í fyrra.

Á Landsmótinu á Álfsnesi í dag, sigraði Grétar Mar Axelsson úr SA í karlaflokki eftir úrslitaviðureign við Örn Valdimarsson úr SR. Bronsverðlaunin hlaut Sigurður Unnar Hauksson úr SR eftir viðureign við Guðlaug Braga Magnússon úr SA. í 5.sæti varð Hákon Þ. Svavarsson úr SFS og í 6.sæti varð Stefán Gísli Örlygsson úr SKA. Í liðakeppninni sigraði sveit Sktfélags Reykjavíkur með 317 stig en hana skipuðu þeir Örn Valdimarsson, Sigurður U. Hauksson og Kjartan Ö. Kjartansson. Í öðru sæti varð sveit Skotfélags AKureyrar með 301 stig með innanborðs þá Grétar M. Axelsson, Guðlaug B. Magnússon og Sigurð Á. Sigurðsson. Í undankeppninni varð Örn Valdimarsson efstur með 114 stig, annar var Sigurður U. Hauksson með 111 stig og þriðji Guðlaugur B. Magnússon með 108 stig. Myndir frá deginum verða hérna.