Skotfélag Reykjavíkur

Laugardagur, 14. nóvember 2015 19:04

Á landsmóti STÍ í loftbyssugreinunum sem haldið var í Borgarnesi í dag, sigraði Ásgeir Sigurgeirsson úr SR í loftskammbyssu karla með 575 stig, annar varð Thomas Viderö úr SFK með 555 stig og Kristján V.Pálsson úr SKV varð þriðji með 519 stig. Í kvennaflokki sigraði Jórunn Harðardóttir úr SR með 372 stig, Bára Einarsdóttir úr SFK varð önnur með 361 stig og í þriðja sæti varð Berglind Björgvinsdóttir úr SKA með 357 stig. Í unglingaflokki sigraði Margrét Skowronski úr SR með 337 stig og Dagný R.Sævarsdóttir úr SFK varð önnur með 332 stig. Bæði þessi skor eru hærri en gildandi Íslandsmet. Í loftriffli hlaut Theodór Kjartansson gullið í karlaflokki með 549,7 stig og Jórunn Harðardóttir í kvennaflokki með 380,0 stig. Íris E.Einarsdóttir féll úr leik eftir að riffill hennar bilaði.

Lokað í Egilshöll á morgun laugardag

Föstudagur, 13. nóvember 2015 15:23
LOKAÐ er í Egilshöllinni á morgun laugardaginn 14.nóv. Opið er aftur á móti á Álfsnesi kl.12-16

Kolbeinn sigraði í dag

Laugardagur, 07. nóvember 2015 19:11
Á landsmóti STÍ sem haldið var í Egilshöllinni í dag sigraði Kolbeinn Björgvinsson með 484 stig, Jórunn Harðardóttir varð önnur með 471 stig og Jón Á. Þórisson þriðji með 462 stig. Þau koma öll úr Skotfélagi Reykjavíkur. Í liðakeppninni sigraði A-sveit Skotfélags Reykjavíkur og B-sveitin varð í öðru sæti.

Fjölskylduhátíð í Egilshöll á laugardaginn

Föstudagur, 06. nóvember 2015 10:42
RISA fjölskylduhátíð verður í Egilshöllinni á laugardaginn 7.nóvember kl. 15-17. Â Hjá okkur verður hægt að prófa að skjóta af loftrifflum. Athugið að börn verða að hafa náð 15 ára aldri til að mega prófa og þurfa 15-18 ára að vera með skriflegt leyfi foreldra eða í fylgd með þeim.

Landsmót í staðlaðri skammbyssu á laugardaginn

Miðvikudagur, 04. nóvember 2015 16:48
Landsmót í Staðlaðri skammbyssu fer fram í Egilshöllinni á laugardaginn. Skráðir keppendur eru 8 og verða því tveir riðlar. Fyrri riðill hefst kl.10 og seinni kl.11:15. Nánar um röðun á morgun. Keppnisæfing er á föstudegi kl.17:00-18:30

Guðmundur Helgi sigraði í dag

Sunnudagur, 01. nóvember 2015 18:03

Guðmundur Helgi Christensen úr Skotfélagi Reykjavíkur sigraði á landsmóti STÍ sem haldið var í Digranesi í dag. Skorið var 618,0 stig. Í kvennaflokki varð Jórunn Harðardóttir úr Skotfélagi Reykjavíkur í öðru sæti með 600,0 stig. Í liðakeppninni í karlaflokki varð A-sveit SR í öðru sæti með 1779,5 stig en auk Guðmundar Helga skipuðu sveitina þeir Þórir Kristinsson (584,5) og Þorsteinn B. Bjarnarson (577,0) Nánar um mótið á heimasíðu STÍ.