Þá er kvennamótinu á Álandseyjum lokið og var árangur okkar kvenna með ágætum. Í gær bætti Snjólaug M. Jónsdóttir Íslandsmetið í skeet með því að skora 55 stig. Í dag komust tvær þeirra í B-úrslit og endaði Helga Jóhannsdóttir í 2.sæti og Dagný H. Hinriksdóttir í 6.sæti.

Í dag hefst kvennakeppnin LADIES GRAND PRIX á Álandseyjum. Keppt er í Ólympísku haglabyssugreininni "SKEET". Að þessu sinni keppa 4 íslenskar konur á mótinu en þær eru Snjólaug M.Jónsdóttir, Árný G.Jónsdóttir, Dagný H.Hinriksdóttir og Helga Jóhannsdóttir. Keppnishaldarar ætla að reyna að birta framvindu mála á heimasíðu sinni hérna. Keppni hefst í dag og lýkur á morgun.

Á Íslandsmótinu í haglabyssugreininni SKEET sem haldið var á Akureyri um helgina sigraði Hákon Þ. Svavarsson úr Skotíþróttafélagi Suðurlands, annar varð Hörður S. Sigurðsson úr Skotíþróttafélagi Hafnarfjarðar og í þriðja sæti hafnaði Grétar M. Axelsson úr Skotfélagi Akureyrar. Í liðakeppninni sigraði A-sveit Skotfélags Reykjavíkur með 319 stig (Sigurður U.Hauksson 108, Guðmundur Pálsson 106, Örn Valdimarsson 105). Í öðru sæti varð A-sveit Skotíþróttafélags Hafnrfjarðar með 314 sti (Hörður S.Sigurðsson 109,Sigurður J.Sigurðsson 105, Jakob Þ.Leifsson 100) og í þriðja sæti A-sveit Skotfélags Akureyrar með 312 stig (Grétar M.Axelsson 106, Guðlaugur B.Magnússon 108, Ómar Ö. Jónsson 98).

Á Íslandsmótinu í haglabyssugreininni SKEET sem haldið er á Akureyri um helgina, sigraði Snjólaug M. Jónsdóttir úr Skotfélaginu Markviss á Blönduósi í kvennaflokki. Í öðru sæti varð Helga Jóhannsdóttir úr Skotíþróttafélagi Hafnarfjarðar og í þriðja sæti hafnaði Dagný H. Hinriksdóttir úr Skotfélagi Reykjavíkur. Þess má geta að þær stöllur halda til keppni á kvennamótinu Ladies Grand Prix sem haldið er árlega og verður þetta árið haldið á Álandseyjum dagana 19.-22.ágúst.

Um næstu helgi eru tvö Íslandsmót Skotíþróttasambandsins í haglabyssugreinunum á dagskrá. Á Akureyri er það SKEET og er riðlaskiptingin komin hérna. Í Hafnarfirði er það svo Norrænt Trap og riðlarnir eru hérna.