|
Sunnudagur, 10. janúar 2016 19:00 |
|
  Landsmót STÍ í 50 metra riffilskotfimi var haldið í Egilshöllinni í Grafarvogi í dag. Í kvennaflokki var keppnin mjög jöfn og skyldu aðeins 0,4 stig tvær efstu en Jórunn Harðardóttir úr SR sigraði með 613,9 stig en Bára Einarsdóttir úr SFK var með 613,5 stig. Í þriðja sæti varð Íris Eva Einarsdóttir úr SR með 585,5 stig. Í karlaflokki sigraði Valur Richter úr SÍ með 614,1 stig, í öðru sæti varð Guðmundur Helgi Christensen úr SR með 612,7 stig og í þriðja sæti hafnaði Jón Þór Sigurðsson úr SFK með 606,7 stig. Í liðakeppninni sigraði sveit Skotíþróttafélags Ísafjarðar með 1.812,3 stig, önnur varð sveit Skotdeildar Keflavíkur með 1.783,7 stig og í þriðja sæti sveit Skotfélags Reykjavíkur með 1.761,5 stig.
|
|
|
Laugardagur, 09. janúar 2016 22:00 |
|
  Á landsmóti STÍ í Staðlaðri skammbyssu sem haldið var í Egilshöllinni í dag, sigraði Karl Kristinsson úr SR með 508 stig. Í öðru sæti varð Ólafur Gíslason úr SR með 490 stig og í þriðja sæti hafnaði Þórður Ívarsson úr SA með 484 stig.
|
|
Fimmtudagur, 07. janúar 2016 07:40 |
|
  Um helgina verða haldin tvö landsmót STÍ í Egilshöllinni. Á laugardag fer fram keppni í Staðlaðri skammbyssu og á sunnudaginn er það keppni í 50 metra liggjandi riffli. Keppnisæfing í skammbyssunni föstudag kl.19-20 og í rifflinum laugardag kl.15-16
|
|
Laugardagur, 02. janúar 2016 17:20 |
|
    Áramótin voru haldin á svæði félagsins á Álfsnesi í dag. Kalt var í veðri og gekk á með éljum þegar leið á keppnina. Í riffilkeppnina mættu 7 keppendur til leiks. Skotin voru 10 skot á 100 og 200 metra færi. Hilmir Valsson sigraði með 196 stig, annar varð Hugi G-Hilmisson með 191 stig og í þriðja sæti varð Finnur Steingrímsson með 184 stig.
Í Skeet-keppnina mættu 16 keppendur. Keppt var eftir nýju fyrirkomulag með forgjöf. Hún virkar þannig að flokkakerfi STÍ er notað til útreiknings og er meistaraflokkur með 0 í forgjöf, 1.flokkur með 1 stig á hring, 2.flokkur með 2 stig á hring, 3 flokkur með 3 stig og 0.flokkur með 4 stig. Þar sem skotnir voru 3 hringir margfaldast þessi forgjöf með þremur. Sigurvegari varð Karl F. Karlsson með 63 stig, Hörður S.Sigurðsson varð annar með 61 stig og í þriðja sæti varð Örn Valdimarsson með 59 stig.Â
Eiithvað er af myndum hérna og líka hér.
|
|
Föstudagur, 01. janúar 2016 13:04 |
|
Stjórn Skotfélags Reykjavíkur óskar félagsmönnum og öðrum landsmönnum, farsældar á nýju ári !
|
|
Föstudagur, 25. desember 2015 23:06 |
|
Hin árlegu áramót félagsins verða haldin laugardaginn 2.janúar 2016 á Álfsnesi.
Haglabyssa Skeet: Mæting keppenda er kl.11:30. Keppni hefst kl.12:00. 75 dúfu mót
Veiðirifflamótið: Mæting keppenda er kl.11:30. Keppni kl:12
Skotið verður á rauðu skífurnar (BR 100+200) á 100 og 200 metra færi. 10 skot á hverja skífu (2 skot í hring). Æfingaskot leyfð.
Eingöngu leyfðir rifflar með tvífæti á forskefti og engan stuðning (púða) við afturskefti nema öxlina. Öll kaliber leyfð en engar hlaupbremsur.
Gott væri að fá skráningu senda á
Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.
til að sjá fjöldann sem hefði hug á að mæta.
|
|
|
<< Fyrsta < Fyrri 111 112 113 114 115 116 117 118 119 120 Næsta > Síðasta >>
|
|
Síða 115 af 300 |
