Meðan félagið hafði aðstöðuna í Leirdal var haldið mót í haglabyssugreininni Skeet á hverju ári. Mótið var kallað ÁRAMÓTIÐ og var haldið á Gamlársdag. Þetta mót var ávallt síðasta íþróttamótið sem haldið var á landinu á hverju ári.

Ásgeir Sigurgeirsson úr Skotfélagi Reykjavíkur bætti í dag Íslandsmet sitt í loftskammbyssu um heil 5 stig.

 Hann skaut 586 stig í aðalkeppninni og bætti svo um betur og skaut 99,4 í úrslitunum (final) og bætti því heildarmetið líka eða alls 685,4 stig. Með þessu er hann að stimpla sig inn í hóp bestu skotmanna Evrópu. Þess má geta að danska metið með final er 679 stig en það sænska er aðeins hærra eða 686,7 stig en það met á tvöfaldur Ólympíumeistari þeirra Svía, Ragnar Skanaker.

Á landsmótið í loftbyssugreinunum á laugardaginn eru skráðir keppendur 24 talsins. Keppt verður í 2 riðlum sem hefjast kl.10 og 12. Úrslitin hefjast svo kl.14:30. Keppnisæfing er á föstudaginn kl.19-21. Riðlaskiptingin er komin hérna.