Skotfélag Reykjavíkur

Fyrsta landsmót keppnistímabilsins í skeet í dag

Laugardagur, 17. apríl 2010 18:59

Þá er mótinu í Hafnarfirði lokið. Úrslitin má nálgast hérna. Okkar maður Örn Valdimarsson varð í öðru sæti og eins komst Þorgeir Þorgeirsson í úrslit og hafnaði í 6 sæti. Liðið okkar skipað Erni og Þorgeiri ásamt Einar Einarssyni endaði í öðru sæti. Unglingurinn okkar hann Óskar Karlsson hafnaði í 17.sæti á sínu fyrsta móti. Fínn árangur hjá þeim öllum.

Íslandsmótinu í loftbyssu lokið

Laugardagur, 17. apríl 2010 17:37

Íslandsmótið í loftskammbyssu og loftriffli fór fram í Egilshöllinni í dag. Úrslitin eru hérna og myndir hérna. Helstu úrslit urðu þau að Ásgeir Sigurgeirsson sigraði í skammbyssu karla, Jórunn Harðardóttir í skammbyssu kvenna, Guðmundur Helgi Christensen í loftriffli karla, Jórunn í loftriffli kvenna, Íris Eva Einarsdóttir í loftriffli unglinga, Steinunn Guðmundsdóttir í loftskammbyssu unglinga í kvennaflokki, en hún setti í leiðinni nýtt Íslandsmet með final, Skúli F. Sigurðsson í skammbyssu unglinga í karlaflokki og A-Sveit Skotfélags Reykjavíkur sigraði í liðakeppninni með þá Ásgeir Sigurgeirsson, Guðmund Helga Christensen og Guðmund Kr. Gíslason innanborðs.

Riðlaskipting Íslandsmótanna komin hér

Þriðjudagur, 13. apríl 2010 23:41
Riðslaskipting íslandsmótanna í loftbyssugreinunum er sem hér segir:
Nánar...

Skráningu á Íslandsmótin í loftbyssu að ljúka

Þriðjudagur, 13. apríl 2010 00:28
Skráningu á Íslandsmótin í loftbyssugreinunum, sem haldin verða í Egilshöllinni á laugardaginn, lýkur á morgun. Félagar í SR eiga að vera búnir að skrá sig en við getum samt komið fleirum að ef ósk um skráningu berst fyrri partinn í dag á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Peeter Pakk að koma til þjálfunar

Miðvikudagur, 07. apríl 2010 21:37
Á morgun kemur til landsins landsliðsþjálfarinn Peeter Pakk. Peeter hefur starfað hér af og til síðan fyrir aldamót. Hann hefur komið reglulega og þjálfað landsliðshópinn okkar í skeet. Hann verður hér til sunnudags við þjálfun landsliðsins.