Vinnukvöld á Álfsnesi mánudaginn 22.maí. Mæting kl.18:00 .

Nú er próftakan að hefjast Álfsnesi fyrir hreindýraprófin. Eins geta menn fengið tíma eftir samkomulagi, við að stilla inn rifflana sína með Gunnari. Nánar hérna.

Ásgeir Sigurgeirsson úr SR varð Íslandsmeistari í Frjálsri skammbyssu á Íslandsmótinu í Egilshöllinni með 556 stig, í öðru sæti varð Jórunn Harðardóttir úr SR með 497 stig og í þriðja sæti varð Karl Kristinsson einnig úr SR með 464 stig. Guðrún Hafberg úr SFK varð svo í fjórða sæti með 462 stig. Mikil forföll voru á mótinu og mættu einungis þessir fjórir keppendur til leiks.

Íslandsmótið í frjálsri skammbyssa fer fram í Egilshöllinni í fyrramálið.

Hið árlega Christensen-mót í loftbyssugreinunum var haldið í gærkvöldi í Egilshöllinni. Keppt er í opnum flokkum í bæði loftskammbyssu og loftriffli, karlar og konur saman og allir skjóta 60 skotum. Eitt Íslandsmet féll en Magnús Guðjón Jensson úr Skotdeild Keflavíkur náði 513,4 stigum og bætti þar með Íslandsmetið í unglingaflokki í loftriffli. Annars sigraði Jórunn Harðardóttir úr SR í loftriffli með 599,9 stig, í öðru sæti varð Bára Einarsdóttir úr SFK með 558,8 stig og í 3ja sæti hafnaði Theodór Kjartansson úr SK með 546,3 stig. Í loftskammbyssu sigraði Ásgeir Sigurgeirsson úr SR með 582 stig, Jórunn Harðardóttir úr SR varð önnur með 561 stig og í þriðja sæti varð Thomas Viderö úr SFK með 557 stig.