Skotfélag Reykjavíkur

Mánudagur, 12. júní 2017 08:17

Landsmót STÍ í haglabyssugreininni Skeet fór fram á skotvöllum Skotfélags Reykjavíkur um helgina. Í karlaflokki sigraði Stefán G.Örlyggson úr Skotfélagi Akraness með (115/25), annar varð Örn Valdimarsson úr Skotfélagi Reykjavíkur með (110/25) og í þriðja sæti Jakob Þ.Leifsson úr Skotíþróttafélagi Hafnarfjarðar með (99/125). Í liðakeppni karla sigraði sveit Skotfélags Reykjavíkur með 311 stig en sveitin var skipuð Erni Valdimarssyni, Guðmundi Pálssyni og Kjartani Erni Kjartanssyni. Í öðru sæti varð sveit Skotfélags Akraness með 289 stig, skipuð Stefáni G.Örlygssyni, Ólafi S.Ólafssyni og Birni G. Hilmarssyni. Í þriðja sæti hafnaði svo sveit Skotíþróttafélags Hafnarfjarðar með 279 stig, skipuð Jakobi Þ.Leifssyni, Sigurði J.Sigurðssyni og Aðalsteini Svavarssyni. Kvennakeppninni lauk á laugardeginum með sigri Helgu Jóhannsdóttur úr Skotíþróttafélagi Hafnarfjaðar með (55 stig), önnur varð Þórey I.Helgadóttir úr Skotfélagi Reykjavíkur með (36 stig) og í 3ja sæti Dagný H.Hinriksdóttir úr Skotfélagi Reykjavíkur með (40 stig). Aðeins ein kvennasveit var skráð til leiks, Skotfélags Reykjavíkur, en hún var skipuð ásamt þeim Dagnýu og Þóreyu, Evu Ó.Skaftadóttur með 107 stig.

Hreindýraprófin á fullu þessa dagana

Laugardagur, 10. júní 2017 12:09

Hreindýrapróftíminn frá 12.- 29. júní verður þannig:

Mánudaga og miðvikudaga kl. 14:00 til 20:00.

Þriðjudaga og fimmtudaga kl. 10:00 til 15:00

Tímapantanir hjá Gunna Sig í s: 843-0280 eða 892-9320

Nánar hérna

Landsmót í Skeet um helgina

Miðvikudagur, 07. júní 2017 16:14
Landsmót STÍ í Skeet fer fram á Álfsnesi um helgina. Keppnisæfing skráðra keppenda föstudag kl.17-21

Skotfélag Reykjavíkur 150 ára, 2. júní...

Fimmtudagur, 01. júní 2017 18:34

Skotfélag Reykjavíkur er 150 ára í dag, 2. júní.
Eins og margoft hefur komið fram, er Skotfélag Reykjavíkur elsta íþróttafélag Íslands.
Félagið var stofnað 1867 og starfsemi félagsins hófst við Skothúsveg sama ár, við Tjörnina í Reykjavík.

Nánar...

Ásgeir með gull á Smáþjóðaleikunum

Miðvikudagur, 31. maí 2017 10:25

Undankeppninni í loftskammbyssu karla er nú lokið en úrslitin hefjast kl.09:30 að ísl.tíma. Ásgeir Sigurgeirsson er efstur með 582 stig (96-97-98-99-95-97) og 21x-tíu, annar er Joe Dondelinger frá LUX með 563 stig, þriðji Boris Jeremenko frá MON með 559 stig og fast á hæla hans Thomas okkar Viderö með 558 stig (93-94-9791-93-90)

UPPFÆRT:Â Ásgeir Sigurgeirsson var að landa gullinu á Smáþjóðaleikunum í San Marinó. Hann endaði með 231,1 stig í úrslitunum, annar varð Joe Dondelinger frá Luxemburg með 230,7 stig og þriðji varð Boris Jeremenko frá Monaco. Thomas Viderö varð svo í 5.sæti.

Íslandsmet á Akranesi

Sunnudagur, 28. maí 2017 09:30

Á Landsmóti STÍ sem fer núna fram á Akranesi voru sett 3 Íslandsmet í kvennaflokki. Helga Jóhannsdóttir úr Skotíþróttafélagi Hafnarfjarðar náði 59/75 í undankeppninni og einnig 39/60 í úrslitunum. Í öðru sæti varð Snjólaug M.Jónsdóttir úr Skotfélaginu Markviss með 30 stig í úrslitum (40 í undankeppni) og í þriðja sæti Eva Ó.Skaftadóttir úr Skotfélagi Reykjavíkur með 22 stig (31 stig í undakeppninni). Kvennalið Skotfélags Reykjavíkur bætti Íslandsmetið og náði 112 stigum. Sveitina skipa Dagný H.Hinriksdóttir (48 stig), Eva Ó.Skaftadóttir (31 stig) og Þórey I.Helgadóttir (33 stig).

Í karlaflokki sigraði Hákon Þ.Svavarsson úr Skotíþróttafélagi Suðurlands með 52 stig í úrslitum (116 í undank.), en árangur hans í úrslitum er nýtt Íslandsmet, annar varð Stefán G. Örlygsson úr Skotfélagi Akraness með 49 stig (117 í undank.) og í þriðja sæti Örn Valdimarsson úr Skotfélagi Reykjavíkur með 38 stig (104 stig í undank.)ÂÂ Skotíþróttafélag Hafnarfjarðar sigraði í liðakeppninni með 281 stig, Skotfélag Reykjavíkur varð í örðu sæti með 273 stig og í þriðja sæti sveit Skotfélags Akraness með 263 stig.