Þeim fer fjölgandi starfsmannahópunum sem koma til okkar í kynningarferðir og fá að spreyta sig í skotfimi. Starfsmannafélög geta haft samband við skrifstofuna og athugað hvort lausir tímar séu framundan.

 BR50-mót SR var haldið 4.september. Sigfús Tryggvi Blumenstein sigraði með 237 stig, Arnbergur Þorvaldsson varð annar með 220 stig og Pétur Fannar Sævarsson varð þriðji með 217 stig.

Haldið verður innanfélags silúettumót á þriðjudaginn 11.sept. Skotið verður með venjulegum silúetturifflum cal.22lr á stál-silúettur á 100 metra færi. Skráning á staðnum.

Aðalfundur Skotfélag Reykjavíkur verðu haldin 13.september. Fundarstaður er Íþróttamiðstöðin í Laugardal, salur E á 3.hæð Fundurinn hefst kl. 19:00.

Skotvopnanámskeið Umhverfisstofnunar og Lögreglunnar verður haldið á laugardaginn  á svæði okkar á Álfsnesi. Félagsmenn eru beðnir að sýna biðlund við æfingar meðan námskeiðið stendur yfir og taka vel á móti þessum framtíðariðkendum í skotfimi. Reikna má með að þátttakendur verði allt að 90 manns og því líklegt að það standi yfir framundir kl.15:00.