Athugið breytilega opnunartíma á Álfsnesi - sjá opnunartímar...

Roeland Schultz frá Danmörku sigraði á SR Open, Opna Reykjavíkurmeistaramótinu, í skeet í dag með 143 stig. Annar varð Per Swensson frá Svíþjóð með 136 stig og Krister Kärki þriðji einnig með 136 stig en Per vann bráðabana við Krister um 2.sætið. Í B-úrslitum sigraði Jóhannes P.Héðinsson með 119 stig, Ómar Ö.Jónsson annar með 117 stig og þriðji Brynjar Þ.Guðmundsson með 114 stig. Keppt var einnig í Bikarkeppni STÍ og sigraði þar Hákon Þ.Svavarsson SFS í karlaflokki með 135 stig, annar varð Sigurður U.Hauksson SKH með 130 stig og þriðji Örn Valdimarsson SR með 129 stig. Hákon varð þar með Bikarmeistari STÍ 2012. Í kvennaflokki sigraði Margrét Elfa Hjálmarsdóttir SR með 48 stig, Árný G. Jónsdóttir SR varð önnur með 34 stig og þriðja varð Dagný H. Hinriksdóttir með 33 stig. Margrét Elfa varð Bikarmeistari STÍ 2012. Efstu SR keppendurnir hlutu svo titilinn Reykjavíkurmeistari 2012, Örn Valdimarsson í karlaflokki og Margrét Elfa Hjálmarsdóttir í kvennaflokki. A-sveit Skotfélags Reykjavíkur sigraði í liðakeppninni, Sveit Skotíþróttafélags Hafnarfjarðar varð önnur og B-sveit SR varð í þriðja sæti. Vegleg verðlaun voru veitt í mótinu í boði fjölda styrktaraðila okkar sem eru Veiðihúsið Sakka, Hlað, Ísnes, Intersport, Sportvörugerðin, Íslandsbanki, Ó.Johnson og Kaaber, Vesturröst ofl. Fjöldi mynda birtist síðar í kvöld hérna: http://www.flickr.com/photos/gummigisla/

Lokað er á Álfsnesi á mánudaginn 27.ágúst vegna framkvæmda.

Eftir fyrri daginn á Reykjavík Open er Roeland Schultz frá Danmörku efstur með 71 stig, Krister Kärki frá Finnlandi er annar með 68 stig og í þriðja sæti er Hákon Þ.Svavarsson með 67 stig, fjórði er Per Swenson frá Svíþjóð með 67 stig, Tommi Takanen fá Finnlandi er fimmti með 65 stig og Örn Valdimarsson er sjötti með 64 stig ásamt Sigurði U.Haukssyni og Sigurði J.Sigurðssyni. Á morgun er skipt upp í A og B úrslit þannig að 16 efstu eftir fyrri daginn fara í A og hinir í B. Í B-úrlsitum er nú Ómar Ó. Jónsson efstur með 58 stig, Jóhannes P.Héðinsson er annar með 57 stig og Brynjar Þ. Guðmundsson þriðji einnig með 57 stig. Á morgun verða finalarnir(úrslitin) fjórir en lokafinal er í Bikarkeppni kvenna og hefst hann um 16:00. Fyrsti final er kl.14:00 í Bikarkeppni karla, kl.14:40 í B-úrslitum og kl. 15:20 í A-úrslitum. Myndir (Photos) frá mótinu eru að koma hér.