Skotfélag Reykjavíkur

Dagný varð í 2.sæti á Landsmótinu í Hafnarfirði

Sunnudagur, 27. apríl 2014 19:13

Á Landsmóti STÍ, sem haldið var í Hafnarfirði um helgina, varð Dagný H. Hinriksdóttir úr Skotfélagi Reykjavíkur í öðru sæti með 28 stig og Lísa Óskarsdóttir úr SR varð í þriðja sæti með 11 stig. Eva Ó. Skaftadóttir úr SR með 9 stig. Í karlaflokki áttum við þrjá keppendur, þá Gunnar Sigurðsson með 85 stig, Guðmund Pálsson með 100 stig, en hann hafnaði í 4.sæti í aðalkeppninni, og Kjartan Örn Kjartansson með 89 stig. Saman lentu þeir í 3ja sæti í liðakeppninni. Nánar á úrslitasíðu STÍ.

Íslandsmeistaratitlar til okkar keppenda

Laugardagur, 26. apríl 2014 18:02

Á Íslandsmeistaramótinu í dag hlutu keppendur SR nokkra Íslandsmeistaratitla. Guðmundur H. Christensen í loftriffli karla, Íris Eva Einarsdóttir í loftriffli kvenna, Kristín Á. Thorstensen í loftskammbyssu unglinga, Ásgeir Sigurgeirsson í loftskammbyssu, kvennasveit SR í loftskammbyssu með Jórunni Harðardóttur, Kristínu Sigurðardóttur og Kristínu Á. Thorstensen innanborðs. Einnig varð karlasveitin meistari með þá Ásgeir Sigurgeirsson, Guðmund Kr. Gíslason og Gunnar Þ. Hallbergsson innanborðs. Nánar á úrslitasíðu STÍ.

Íslandsmót í Loftbyssu á laugardag í Egilshöll

Miðvikudagur, 23. apríl 2014 19:51

Íslandsmótið í loftskammbyssu og loftriffli fer fram í Egilshöllinni á laugardaginn. 29 keppendur eru skráðir til leiks. 1. riðill hefst með 15 mín. undirbúningstíma kl. 9:30. Æfingatími hefst kl. 9:45 og sjálf keppnin kl.10:00. 2. riðill hefst kl.11:30 með 15 mín.undirbúningstíma. Æfingatími hefst kl. 11:45 og sjálf keppnin kl. 12:00. Ath. að enginn final er haldin á þessu móti frekar en á öðrum STÍ mótum þetta árið. Þau mál eru í skoðun.

Keppnisæfing skráðra keppenda er á föstudaginn kl.19-21.

Opið á Álfsnesi fyrir félagsmenn í dag og á morgun

Þriðjudagur, 22. apríl 2014 09:14
Opið verður uppi á Álfsnesi fyrir félagsmenn Skotfélags Reykjavíkur í dag, þriðjudaginn 22. apríl og miðvikudaginn 23. apríl kl. 15-19. Á Sumardaginn fyrsta er svo opið frá kl. 13-18.

Mávamót SR á Álfsnesi

Mánudagur, 21. apríl 2014 17:25

Fyrsta Mávamót SR í ár fór fram í dag í ekki sem bestu aðstæðum, rigningaskúrum og á stundum allskonar vindi, nokkuð hvössum, en þó var mótið hin besta skemmtun. Nokkrir ferskir keppendur mættu til leiks og höfðu gaman að. Mikil og misjöfn glíma var við náttúruöflin, rigninguna og rokið og gekk keppendum misjafnlega í þessum aðstæðum. Daníel Sigurðsson sigraði á mótinu með samtals 142 stig af 150 mögulegum. Á hæla honum kom Bergur Arthússson með 141 stig og í þriðja sæti Kjartan Friðriksson með 131 stig. Soffía Bergsdóttir endaði í fjórða sæti með 128 stig og Sigurður Einarsson í því fimmta með 126 stig. Mávamótin fara fram á 300, 200 og 100 metrum og er 5 skor skotum skotið á hvert færi. Þeir sem vilja kynna sér sportið nánar, geta skoðað skífurnar uppi á Álfsnesi og fengið þar frekari upplýsingar.

Skráning á Íslandsmót í loftbyssu og Landsmót í skeet

Föstudagur, 18. apríl 2014 18:19
Tvö STÍ mót eru helgina 26.-27. apríl. Íslandsmótið í loftbyssugreinunum fer fram í Egilshöll og í Hafnarfirði verður fyrsta landsmót sumarsins í Skeet. Skráning okkar keppenda þarf að berast í síðasta lagi fyrri part þriðjudagsins 22.apríl á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.