Skotfélag Reykjavíkur

Sunnudagur, 18. maí 2014 20:41

A-liðið okkar varð í öðru sæti á landsmóti STÍ í dag með 293 enA-sveit SÍH sigraði með 295 stig. Sveitina okkar skipuðu Örn Valdimarsson (102), en hann varð jafnframt í 3ja sæti í einstaklingskeppninni, eftir bráðabana við Stefán G.Örlyggson úr SKA og okkar mann Kjartan Ö. Kjartansson, Sigurður U.Hauksson (97) og Guðmundur Pálsson (94). Í þriðja sæti varð B-sveit SR með 279 stig en hana skipuðu Gunnar Sigurðsson (80), Kjartan Ö.Kjartansson (102) og Þorgeir M. Þórgeirsson (97). Í einstaklingskeppninni sigraði Sigurþór Jóhannesson úr SÍH með 112 stig, annar varð Grétar M. Axelsson úr SA með 104 stig og Örn Valdimarsson úr SR með 102 stig.

Ellert er að keppa núna í Kazakhstan

Sunnudagur, 18. maí 2014 07:47
Ellert Aðalsteinsson er búinn að skjóta 2 umferðir af 5 og er með 45 stig (22-23). Efstur er Jesper Hansen frá Danmörku með 50 stig. Hægt er að fylgjast með gangi máli hérna. Skotnir eru 3 hringir í dag og svo 2 á morgun.

Ellert byrjar keppni í Kazakhstan á morgun, sunnudag

Laugardagur, 17. maí 2014 21:41
Ellert Aðalsteinsson keppir í skeet á heimsbikarmótinu í Kazakhstan um helgina. Hér má sjá dagskrána: http://www.issf-sports.org/calendar/championship_schedule.ashx?cshipid=1513

Karl varð annar og Joddi þriðji á mótinu í dag

Laugardagur, 17. maí 2014 20:43

Á landsmóti STÍ í Grófri skammbyssu sem haldið var í Egilshöllinni í dag, varð Karl Kristinsson úr SR (484) annar og Jón Árni Þórisson einnig úr SR (470) þriðji. Eiríkur Jónsson úr SFK sigraði. A-sveit SR sigraði með 1,400 stig og B-sveitin varð í öðru sæti með 1054 stig. A-sveitina skipuðu Karl, jón Árni og Engilbert Runólfsson (446). B-sveitina skipuðu Þórhildur Jónasdóttir (378), Björgvin M. Óskarsson (301) og Kolbeinn Björgvinsson (375).

Grafarvogsdagurinn í dag

Laugardagur, 17. maí 2014 20:33
Fjöldi fólks lagði leið sína í Egilshöllina í dag og fékk að kynnast skotfimi að eigin raun. Æfingastjórar okkar tóku á móti gestum á milli kl.15 til 17 og leiðbeindu fólki.

Lið SR kvenna sigraði í dag

Laugardagur, 17. maí 2014 19:08

Á landsmóti STÍ í haglabyssu-skeet sem haldið er á Álfsnesi um helgina, sigraði A-lið SR í liðakeppni kvenna með 73 stig en sveitina skipuðu þær Dagný H.Hinriksdóttir(28), Eva Ó. Skaftadóttir (23) og Lísa Óskarsdóttir (22). Í öðru sæti varð sveit SÍH með 65 stig. Í einstaklingskeppninni varð Dagný í öðru sæti, Eva í því fjórða og Lísa í 5.sæti. Snjólaug M. Jónsdóttir úr MAV sigraði með 33 stig. Í karlaflokki er Sigurþór Jóhannesson úr SÍH efstur eftir fyrri dag í karlaflokki með 67 stig, okkar maður Örn Valdimarsson er annar með 65 stig og Kjartan Ö. Kjartansson einnig úr SR er þriðji með 63 stig. Fullt af myndum frá deginum eru hérna.