Skotfélag Reykjavíkur

Laugardagur, 09. ágúst 2014 20:07

Á landsmóti STÍ í haglabyssu skeet sem haldið var á Húsavík í dag setti Örn Valdimarsson úr SR nýtt Íslandsmet, 118 stig (25 24 22 24 23). Einnig var hann í sigursveit Skotfélags Reykjavíkur sem jafnaði Íslandsmetið í liðakeppni karla í 336 stig en í sveitinni voru auk Arnar, þeir Kjartan Örn Kjartansson (106) og unglingurinn Sigurður Unnar Hauksson með 112 stig, sem er aðeins einu stigi frá Íslandsmeti hans í unglingaflokki. Í kvennaflokki bætti Snjólaug M. Jónsdóttir úr MAV eigið Íslandsmet og endaði með 48 stig. Í öðru sæti í kvennaflokki varð Dagný H. Hinriksdóttir úr SR með 38 stig. Í karlaflokki varð Guðlaugur B.Magnússon úr SA annar með 109 stig og Guðmann Jónasson úr MAV varð þriðji með 107 stig. Í liðakeppni karla varð sveit Skotfélags Akureyrar í öðru sæti með 306 stig og sveit Skotfélagsins Markviss með 268 stig._/gkg

Skráning á SR OPEN í skeet

Fimmtudagur, 07. ágúst 2014 20:49
Keppendur á SR OPEN í skeet geta skráð sig með tölvupósti á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Opið um helgina

Fimmtudagur, 31. júlí 2014 12:27
Opið verður hjá okkur á Álfsnesi um Verslunarmannahelgina á laugardeginum kl. 10 til 18 og á mánudeginum kl. 12 til 18.

Íslandmót STÍ í SKEET

Sunnudagur, 20. júlí 2014 19:44

Íslandsmóti STÍ í SKEET í karla-, unglinga- og öldungaflokki lauk í dag. Ellert Aðalsteinsson (SR) er Íslandsmeistari STÍ í SKEET 2014. Hann hafði betur í 4 dúfu bráðabana vð Örn Valdimarsson (SR), sem hafnaði í öðru sæti. Þeir skutu báðir 112 dúfur af 125 mögulegum. Grétar M. Axelsson (SA) náði þriðja sæti eftir 6 dúfu bráðabana við Stefán G. Örlygsson (ÍA) en þeir voru jafnir með 104 dúfur.
Sigurður U. Hauksson (SR) er Íslandsmeistari unglinga en hann skaut einnig 112 dúfur. Gunnar Sigurðsson (SR) sigraði svo Öldungaflokkinn með 92 dúfur og Halldór Helgason (SR) varð annar með 87 dúfur.

Hér eru úrslitin á pdf formi.

Íslandmót STÍ í SKEET kvenna

Laugardagur, 19. júlí 2014 17:48

Íslandsmóti kvenna í SKEET lauk í dag og varð Dagný H. Hinriksdóttir (SR) hlutskörpust með 39 dúfur og hlýtur því titilinn Íslandsmeistari STÍ í SKEET kvenna. Helga Jóhannsdóttir (SÍH) varð önnur með 38 dúfur og Snjólaug M. Jónsdóttir (MAV) þriðja með 37 dúfur. Var spennan mikil enda skilur bara 1 dúfa á milli sæta. Í liðakeppni var aðeins lið frá SR en þær skutu nýtt íslandsmet eða 102 dúfur samanlagt.
Í þriðja flokki var Helga Jóhannsdóttir (SÍH) efst og Snjólaug önnur en Dagný H. Hinriksdóttir (SR) var efst í Opnum flokki, Lísa Óskarsdóttir (SR) önnur og Guðbjörg Konráðsdóttir (SÍH) þriðja.