Skotfélag Reykjavíkur

Reykjavíkurleikarnir-Íþróttahátíð í Reykjavík 21.-31.jan

Föstudagur, 15. janúar 2016 15:55

Fréttatilkynning frá Íþróttabandalagi Reykjavíkur

Reykjavíkurleikarnir - Íþróttahátíð í Reykjavík 21.-31.janúar

Alþjóðlegu Reykjavíkurleikarnir fara fram í níunda sinn dagana 21.-31.janúar næstkomandi. Það er Íþróttabandalag Reykjavíkur í samstarfi við sérsambönd ÍSÍ og íþróttafélögin í Reykjavík ásamt dyggum samstarfsaðilum sem standa að leikunum.

Reykjavíkurleikarnir eru mikil íþróttahátíð þar sem keppt er í 22 einstaklingsíþróttagreinum. Flestir mótshlutarnir fara fram í Laugardalnum og nágrenni hans. Keppnin skiptist niður á tvær mótshelgar en einnig er ráðstefna um afreksíþróttir hluti af dagskránni. Hér á heimasíðu leikanna má finna lista yfir íþróttagreinar og dagskrá: http://rig.is/schedule Hér má finna upplýsingar um ráðstefnuna: http://rig.is/index.php/lectures-100

Reiknað er með að á fimmta hundrað erlendra gesta komi á Alþjóðlegu Reykjavíkurleikana í ár ásamt um 2.000 íslenskum íþróttamönnum. Margt af besta íþróttafólki okkar Íslendinga verður á meðal þátttakenda. Má þar nefna sundkonuna og íþróttamann ársins Eyglóu Ósk Gústafsdóttur, frjálsíþróttakonurnar Anítu Hinriksdóttur og Hafdísi Sigurðardóttur og Ólympíufarana Þormóð Jónsson júdókappa og Ásgeir Sigurgeirsson skotíþróttamann. Einnig eru margir mjög sterkir erlendir keppendur væntanlegir til landsins vegna leikanna í ýmsum greinum eins og t.d. Mie Østergaard Nielsen, Evrópu- og heimsmeistari í sundi, og Dwain Chambers, sem hefur unnið til fjölda verðlauna á heims og Evrópumótum.

RÚV verður með ellefu útsendingar og samantektarþætti um leikana.

Hvetjum fólk til að merkja við í dagatalið og búa sig undir skemmtilega íþróttahátíð.

Upplýsingar um Reykjavíkurleikana má finna á eftirfarandi miðlum:

Upplýsingasíða á ensku www.rig.is

Miðasala á midi.is

RIG leikarnir framundan

Fimmtudagur, 14. janúar 2016 15:46

Nú líður að Reykjavíkurleikunum RIG 2016 en þeir eru nú haldnir í níunda skipti. Skotfimi kom inn sem keppnisgrein í fyrsta skipti í fyrra. Nú liggur fyrir að keppt verður í loftskammbyssu og loftriffli laugardaginn 23.janúar 2016. Skráning keppenda stendur enn yfir og geta keppendur skráð sig beint til Skotfélags Reykjavíkur með tölvupósti á : Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. Frestur til skráningar er til og með 18.janúar. Keppnisgjaldið er kr. 4,000 Ekki er nauðsynlegt að skrá sig í gegnum félag sitt á þetta mót. Keppt verður í karla og kvennaflokki í báðum greinum. Keppendur fá aðgangspassa sem gildir á allar keppnisgreinar leikanna. Nánar á www.rig.is

Jórunn sigraði í kvennaflokki í dag

Sunnudagur, 10. janúar 2016 19:00

Landsmót STÍ í 50 metra riffilskotfimi var haldið í Egilshöllinni í Grafarvogi í dag. Í kvennaflokki var keppnin mjög jöfn og skyldu aðeins 0,4 stig tvær efstu en Jórunn Harðardóttir úr SR sigraði með 613,9 stig en Bára Einarsdóttir úr SFK var með 613,5 stig. Í þriðja sæti varð Íris Eva Einarsdóttir úr SR með 585,5 stig. Í karlaflokki sigraði Valur Richter úr SÍ með 614,1 stig, í öðru sæti varð Guðmundur Helgi Christensen úr SR með 612,7 stig og í þriðja sæti hafnaði Jón Þór Sigurðsson úr SFK með 606,7 stig. Í liðakeppninni sigraði sveit Skotíþróttafélags Ísafjarðar með 1.812,3 stig, önnur varð sveit Skotdeildar Keflavíkur með 1.783,7 stig og í þriðja sæti sveit Skotfélags Reykjavíkur með 1.761,5 stig.

Karl sigraði í dag

Laugardagur, 09. janúar 2016 22:00
Á landsmóti STÍ í Staðlaðri skammbyssu sem haldið var í Egilshöllinni í dag, sigraði Karl Kristinsson úr SR með 508 stig. Í öðru sæti varð Ólafur Gíslason úr SR með 490 stig og í þriðja sæti hafnaði Þórður Ívarsson úr SA með 484 stig.

Landsmót í Egilshöll um helgina

Fimmtudagur, 07. janúar 2016 07:40
Um helgina verða haldin tvö landsmót STÍ í Egilshöllinni. Á laugardag fer fram keppni í Staðlaðri skammbyssu og á sunnudaginn er það keppni í 50 metra liggjandi riffli. Keppnisæfing í skammbyssunni föstudag kl.19-20 og í rifflinum laugardag kl.15-16

Áramótin voru haldin í dag á Álfsnesi

Laugardagur, 02. janúar 2016 17:20

Áramótin voru haldin á svæði félagsins á Álfsnesi í dag. Kalt var í veðri og gekk á með éljum þegar leið á keppnina. Í riffilkeppnina mættu 7 keppendur til leiks. Skotin voru 10 skot á 100 og 200 metra færi. Hilmir Valsson sigraði með 196 stig, annar varð Hugi G-Hilmisson með 191 stig og í þriðja sæti varð Finnur Steingrímsson með 184 stig.

Í Skeet-keppnina mættu 16 keppendur. Keppt var eftir nýju fyrirkomulag með forgjöf. Hún virkar þannig að flokkakerfi STÍ er notað til útreiknings og er meistaraflokkur með 0 í forgjöf, 1.flokkur með 1 stig á hring, 2.flokkur með 2 stig á hring, 3 flokkur með 3 stig og 0.flokkur með 4 stig. Þar sem skotnir voru 3 hringir margfaldast þessi forgjöf með þremur. Sigurvegari varð Karl F. Karlsson með 63 stig, Hörður S.Sigurðsson varð annar með 61 stig og í þriðja sæti varð Örn Valdimarsson með 59 stig.Â

Eiithvað er af myndum hérnaÂ og líka hér.