Páskamót félagsins í Skeet-haglabyssu verður haldið á Föstudaginn langa 30.mars. Mæting er kl. 11:30 og hefst mótið svo kl.12:00. Skotnir verða 3 hringir eftir forgjafarkerfi félagsins. Allir velkomnir. Einsog ávallt verður keppt í einum opnum flokki óháð aldri og kyni.

Íslandsmótið í Staðlaðri skammbyssu var haldið í Egilshöllinni í Grafarvogi í dag, laugardag. Íslandsmeistari varð Ívar Ragnarsson úr Skotíþróttafélagi Kópavogs með 541 stig, annar varð Jón Þ. Sigurðsson einnig úr Kópavogi með 526 stig og í þriðja sæti hafnaði Grétar M. Axelsson úr Skotfélagi Akureyrar með 516 stig. Í liðakeppninni sigraði A-sveit Skotíþróttafélags Kópavogs með 1,575 stig, í öðru sæti varð A-sveit Skotfélags Reykjavíkur með 1,460 stig og í þriðja sæti hafnaði sveit Skotfélags Akureyrar með 1,391 stig. Nánar á úrslitasíðunni.

Páskamót SR í Benchrest "Score" verður haldið á Skírdag 29. mars. Skotið verður á tveimur færum, 100 og 200 metrum. Mæting er kl 10:00 og hefst mótið kl 11:00. Mótsgjald er 3000 kr.

Allar BR-skyttur landsins velkomnar - sendið tilkynningu um þátttöku á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Íslandsmótið í Staðlaðri skammbyssu fer fram í Egilshöll á laugardaginn. Riðlaskipting er hérna.

EM í loftbyssugreinunum í Ungverjalandi er lokið. Ásgeir Sigurgeirsson og Jórunn Harðardóttir lentu í 37.sæti af 50 liðum í parakeppninni á Evrópumeistaramótinu í gær.

Jórunn Harðardóttir hafnaði í 54.sæti af 72 keppendum í loftskammbyssu kvenna. Skorið var 554 stig (89-91-94-93-90-97 og 15x-tíur). Íslandsmet hennar sem hún setti á RIG-leikunum í Reykjavík í byrjun mánaðarins er 557 stig.

Ásgeir Sigurgeirsson hafnaði í 30.sæti af 80 keppendum í loftskammbyssu karla. Skorið var 572 stig (96-93-94-97-95-97 og 15 x-tíur) sem er nokkuð frá hans besta en Íslandsmet hans er 589 stig sem hann sett á Christensenmótinu fyrir fimm árum.