Tvö Landsmót STÍ fóru fram á velli Skotíþróttafélags Hafnarfjarðar um helgina. Í skeet keppni karla sigraði Stefán Gísli Örlygsson úr Skotfélagi Akraness með 52 stig (109), annar varð Hákon Þ. Svavarsson úr Skotíþróttafélagi Suðurlands með 44 stig (105) og í þriðja sæti varð Guðlaugur Bragi Magnússon frá Skotfélagi Akureyrar með 32 stig (105).

Í liðakeppni karla sigraði Sveit SFS með 271 stig (Hákon Þ.Svavarsson,Aðalsteinn Svavarsson,Snorri Valsson), sveit SA (Guðlaugur Bragi Magnússon,Grétar Mar Axelsson,Daníel Logi Heiðarsson) varð önnur með 262 stig og sveit SR (Sigurður Unnar Hauksson,Guðmundur Pálsson,Daníel Hrafn Stefánsson) í þriðja sæti með 236 stig.

Sjá má nánar um skor manna á úrslitasíðu STÍ. Einn keppandi mætti í unglingaflokki og var það Daníel Logi Heiðarsson frá Skotfélagi Akureyrar en skor hans var 64 dúfur.

Í kvennakeppninni sigraði Helga Jóhannsdóttir úr Skotíþróttafélagi Suðurlands með 28 stig og 73 stig í undankeppninni, sem er nýtt Íslandsmet þar sem konur skjóta nú eftir nýjum reglum og skjóta því á 125 dúfur einsog karlarnir. Í öðru sæti varð Dagný H. Hinriksdóttir úr Skotfélagi Reykjavíkur með 24 stig (67) og í þriðja sæti Þórey Inga Helgadóttir úr Skotfélagi Reykjavíkur með 15 stig (43).

Í sveitakeppni kvenna var ein sveit skráð til leiks en hana skipuðu þær Dagný og Þórey ásamt Evu Ósk Skaftadóttur. Þær náðu 158 stigum og er það jafnframt nýtt Íslandsmet.

Í Norrænu trappi sigraði Stefán Kristjánsson úr SÍH með 125 stig, annar varð Kristinn Gísli Guðmundsson úr SÍH með 108 stig og í þriðja sæti Ásbjörn Sírnir Arnarson úr SÍH með 82 stig.

Ein sveit var skráð til leiks en hana skipuðu þeir Stefán og Kristinn Gísli ásamt Kristni Tryggva Gunnarssyni og náðu þeir 268 stigum.

Íslandsmótið í Frjálsri skammbyssu var haldið í Egilshöllinni í dag. Íslandsmeistari varð Ásgeir Sigurgeirsson úr Skotfélagi Reykjavíkur með 549 stig, í öðru sæti varð Jórunn Harðardóttir úr Skotfélagi Reykjavíkur með 512 stig og í þriðja sæti Bára Einarsdóttir úr Skotíþróttafélagi Kópavogs með 482 stig.

A-sveit Skotfélags Reykjavíkur varð Íslandsmeistari liða með 1,502 stig en sveitina skipuðu þau Jórunn og Ásgeir ásamt Guðmundi Kr. Gíslasyni (441). B-sveit Skotfélags Reykjavíkur með þá Engilbert Runólfsson og Þorstein Bjarnarson innaborðs. Nánari úrslit má nálgast á heimasíðu Skotíþróttasambands Íslands, www.sti.is 

Hið árlega Christensen-mót fór fram í Egilshöllinni í dag. Keppt er í opnum flokkum óháð kyni og aldri. Í loftriffli sigraði Jórunn Harðardóttir úr SR með 591,2 stig, í öðru sæti varð Guðmundur Helgi Christensen úr SR með 579,7 stig og í þriðja sæti hafnaði Viktoría Bjarnarson úr SR með 575,5 stig sem jafnframt er nýtt Íslandsmet Unglinga. Í loftskammbyssu sigraði Ásgeir Sigurgeirsson úr SR með 568 stif, í öðru sæti Jórunn Harðardóttir úr SR með 550 stig og í þriðja sæti Ingvi Eðvarðsson úr SK með 526 stig.

Hérna koma riðlar mótanna um helgina. Á laugardaginn er það loftskammbyssa og loftriffill á Christensenmótinu. Á sunnudaginn Íslandsmótið í frjálsri skammbyssu. Keppnsiæfing fyrir Christensenmótið milli kl.17-19 á föstudag

Vetrarstarfinu í Egilshöllinni er nú að ljúka og er síðasti opnunardagur miðvikudagurinn 9.maí. Við opnum svo aftur í byrjun október.