Hið árlega áramót félagsins í riffli verður haldið á Gamlársdag á Álfsnesi.

Veiðirifflamótið: Mæting keppenda er kl.11:30. Keppni kl:12
 Skotið verður á rauðu skífurnar (BR 100+200) á 100 og 200 metra færi, 10 skot á hverja skífu (2 skot í hring). Æfingaskot leyfð.
 Eingöngu leyfðir rifflar með tvífæti á forskefti og engan stuðning (púða) við afturskefti nema öxlina. Öll kaliber leyfð en engar hlaupbremsur.
 Gott væri að fá skráningu senda á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. til að sjá fjöldann sem hefði hug á að mæta.

Á landsmóti STÍ í 50 metra Þrístöðu riffilkeppni sem haldið var í Egilshöllinni í dag féll en eitt Íslandsmetið í liðakeppninni og nú hjá körlunum. Sveit Skotfélags Reykjavíkur bætti metið um heil 105 stig og endaði með 3.002 stig. Sveitina skipuðu Guðmundur Helgi Christensen, Þorsteinn B. Bjarnarson og Róbert V. Ryan. Í öðru sæti varð sveit Skotíþróttafélags Ísafjarðar með 2,578 stig en hana skipuðu Valur Richter, Ívar Valsson og Leifur Bremnes.

Í einstaklingskeppni karla sigraði Guðmundur H. Christensen úr SR með 1,107 stig, annar varð Theódór Kjartansson úr SK með 980 stig og í þriðja sæti varð Robert V.Ryan úr SR með 955 stig. Í kvennaflokki sigraði Bára Einarsdóttir úr SFK með 493 stig, önnur varð Guðrún Hafberg úr SFK með 442 stig og í þiðja sæti varð Margrét L. Alfreðsdóttir úr SFK með 366 stig.

Á landsmóti STÍ sem haldið var í Egilshöllinni í dag féll eitt Íslandsmet en sveit Skotíþróttafélags Kópavogs í kvennaflokki bætti eigið met um heil 40 stig og endaði með 1.762,5 stig. Sveitina skipuðu Bára Einarsdóttir, Margrét L. Alfreðsdóttir og Guðrún Hafberg. Í karlaflokki sigraði Stefán E. Jónsson úr SFK með 612,5 stig, í öðru sæti varð Guðmundur Helgi Christensen úr SR með 611,3 stig og með sama stigafjölda en færri X-tíur varð Jón Þór Sigurðsson úr SFK. Í kvennaflokki sigraði Bára Einarsdóttir með 615,9 stig, önnur varð Margrét L.Alfreðsdóttir með 581,7 stig og í 3ja sæti hafnaði Guðrún Hafberg með 564,9 stig. Í liðakeppni karla sigraði sveit Skotfélags Reykjavíkur með 1.803,1 stig (Guðmundur H.Christensen, Þorsteinn B.Bjarnarson og Þórir Kristinsson), í öðru sæti varð sveit Skotíþróttafélags Ísafjarðar með 1.794,5 stig (Ívar M.Valsson, Valur Richter og Guðmundur Valdimarsson) en í þriðja sæti hafnaði sveit Skotdeildar Keflavíkur með 1.786,2 stig (Theodór Kjartansson,Dúi Sigurðsson og Bjarni Sigurðsson). _{Myndir: JAK}

Landsmót í riffilgreinum fara fram í Egilshöllinni um helgina. Á laugardaginn er keppt í 50 metra liggjandi riffli og á sunnudaginn í 50 metra Þrístöðu riffli.

Ásgeir Sigurgeirsson keppti á laugardaginn með liði sínu TSV Ötlingen í Þýsku Bundesligunni. Hann sigraði enn og aftur, í þetta skiptið Tyrkneska landsliðsmanninn Ustaoglu, Abdullah. Þeir voru jafnir að stigum í lok keppninnar kom því tilbráðabana til að skera úr um hvor þeirra færi með sigur. Ásgeir gerði sér lítið fyrir og vann ! Ásgeir var því miður sá eini í TSV Ötlingen sem vann sína viðureign og var niðurstaðan 1-4 sigur Sgi Waldenburg. Á sunnudeginum lauk hann sjöundu keppninni í Bundesliegunni með liði sínu TSV Ötlingen með sigri á Michael Schwald, Þýskum landsliðsmanni og Evrópumeistara unglinga 2012 í FP. Hann hefur hingað til keppt sem fyrsti keppandi fyrir lið sitt í öllum keppnum á yfirstandandi tímabili og unnið þær allar !