Lokað á Álfsnesi í dag.. !!

Í dag var haldið Landsmót STÍ í Egilshöllinni. Keppt var í Frjálsri skammbyssu á 50 metra færi. Ásgeir Sigurgeirsson úr SR sigraði með 556 stig. Annar varð Thomas Viderö úr SFK með 523 stig og í þriðja sæti varð Jórunn Harðardóttir úr SR með 486 stig. A-lið SR (Ásgeir,Jórunn og Guðmundur Helgi Christensen (478) sigraði liðakeppnina með 1,520 stig. Í öðru sætinu varð B-sveit SR (Guðmundur Kr. Gíslason (481), Karl Kristinsson (445) og Jón Á.Þórisson (412).

Landsmót STÍ í Frjálsri skammbyssu verður haldið í Egilshöllinni á laugardaginn. Keppt verður í tveimur riðlum sem hefjast kl. 10 og 12. Keppnislistinn er kominn hérna til hliðar. Keppt er með 22ja kalibera skammbyssum og skotið á 50 metra færi alls 60 skotum. Keppnistíminn er 90 mínútur.

Landsmót Skotíþróttasambands Íslands í 60sk liggjandi riffli var haldið í Digranesi á laugardaginn.
Tveir keppendur mættu til leiks í kvennaflokki og þar hafði Jórunn Harðardóttir sigur á Írisi Evu Einarsdóttur sem var að keppa í sínu fyrsta 50m liggjandi móti. Íris var að gera góða hluti enda ekki alls óvön gatasigtunum. Íris Eva skoraði 587.1 stig en Jórunn, sigurvegarinn, lauk keppni á 605,3 stigum. Þær stöllur kepptu báðar fyrir hönd Skotfélags Reykjavíkur.
Í karlaflokki sigraði Jón Þór Sigurðsson, Skotfélagi Kópavogs. Jón þór skoraði 615.7 stig. Í öðru sæti varð Guðmundur Helgi Christensen, Skotfélagi Reykjavíkur á 613,4 stigum. Arnfinnur Auðunn Jónsson, Skotfélagi Kópavogs, varð svo í þriðja sæti með 611.8 stig.
Í liðakeppninni sigraði A sveit Skotfélags Kópavogs með 1832,7 stig en sveitina skipuðu þeir Jón Þór, Arnfinnur auk Stefáns Eggerts Jónssonar. Sveit Skotíþróttafélags Ísafjarðar varð í öðru sæti með 1796,9 stig. Sveitina skipuði Valur Richter, Ívar Már Valsson og Guðmundur Valdimarsson. Sveit Skotfélags Reykjavíkur hreppti svo þriðja sætið á 1789.0 stigum en sveitina skipuðu Guðmundur Helgi, Þorsteinn Bjarnarson og Þórir Kristinsson.

Vegna veðurs verður lokað á Álfsnesi um helgina :(