Reykjavíkurleikarnir verða haldnir næstu tvær helgar í Reykjavík. Í Egilshöllinni verður keppt í Loftskammbyssu og Loftriffli laugardaginn 4.febrúar og hefst keppnin kl.09:00. Skráning er ennþá opin og geta þátttakendur sent skráningu á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. til og með mánudeginum 30.janúar.

Landsmót í Sportskammbyssu fór fram í Egilshöllinni í Grafarvogi í dag, laugardag. Karl Kristinsson sigraði með 543 stig, Jón Árni Þórisson varð annar með 519 stig og í þriðja sæti varð Engilbert Runólfsson með 506 stig. Þeir koma allir úr Skotfélagi Reykjavíkur.

Landsmót Skotíþróttasambands Íslands í Frjálsri skammbyssu fór fram í Íþróttahúsinu Digranesi í dag, laugardaginn 14. janúar og varð það Skotíþróttafélag Kópavogs sem hélt mótið.
Ásgeir Sigurgeirsson Skotfélagi Reykjavíkur var í nokkrum sérflokki og sigraði í mótinu með yfirburðum en skor hans var 553 stig sem var 12 stigum frá Íslandsmeti hans sem hann sett í Munchen 18. júní 2011 og jafnaði aftur 11 apríl 2015.
Jórunn Harðardóttir, einnig úr SR, náði öðru sætinu með 501 stigum og Thomas Viderö, Skotíþróttafélagi Kópavogs, hreppti þriðja sætið með 490 stig.
.
Í liðakeppninni sigraði A lið SR með 1509 stigum en sveitina skipuðu þau Ásgeir, Jórunn auk Jóns Árna Þórissonar. A sveit Skotíþróttafélags Kópavogs hreppti annað sætið með 1340 stig. Sveit SFK skipuðu Thomas Viderö, Guðmundur Ævar Guðmundsson og Guðrún Hafberg.
_{Myndir og texti: JAK}

Áramót félagsins í haglabyssugreininni Skeet var haldið um helgina. Keppt var eftir forgjafarkerfi félagsins. Örn Valdimarsson sigraði með 67 stig af 75 mögulegum en hann nýtur engrar forgjafar þar sem hann er í meistaraflokki. Annar varð unglingurinn Marinó Eggertsson 61+6=67 stig en hann er í 2.flokki og fær við það tvö stig í forgjöf í hverjum hring eða alls 6 stig í þremur hringjum. Þeir voru því jafnir eftir aðalkeppnina og skutu síðan bráðabana um gullið þar sem reynsluboltinn hafði betur. Í þriðja sæti varð Aðalsteinn Svavarsson með 57+6=63 stig.

Á Landsmóti STÍ í Staðlaðri skammbyssu sem haldið var í Egilshöllinni í dag sigraði Karl Kristinsson með 518 stig, Jón Árni Þórisson varð annar og í þriðja sæti varð Engilbert Runólfsson með 500 stig en þeir keppa allir fyrir Skotfélag Reykjavíkur.