Gríska skammbyssuskyttan Anna Korikaki, sem vann gull og brons verðlaun á Ólympíuleikunum í Ríó, mun hlaupa fyrsta spölinn með Ólympíueldinn fyrir leikana í Tókýó síðar á árinu. Nánar hérna.

Landsmót STÍ í 50m Riffli fór fram í Kópavogi laugardaginn 8.febrúar. Í karlaflokki jafnaði Jón Þór Sigurðsson úr SFK eigið Íslandsmet með 623,7 stig. Í öðru sæti varð Guðmundur Helgi Christensen úr SR með 618,2 stig og Guðmundur Valdimarsson úr SÍ þriðji með 613,5 stig. Í liðakeppninni sigraði sveit SÍ með 1817,4 stig, sveit SFK önnur með 1811,7 stig og sveit SR þriðja með 1799,4 stig. Í kvennaflokki sigraði Jórunn Harðardóttir úr SR með 612,5 stig og Guðrún Hafberg úr SFK varð önnur með 591,1 stig.

Landsmót í Þrístöðu-riffli fór fram í Kópavogi á sunnudaginn. Guðmundur Helgi Christensen úr SR sigraði með 1,112 stig, Theodór Kjartansson úr SK varð annar með 1,010 stig og þriðji varð Valur Richter úr SÍ með 1,008 stig. Í kvennaflokki sigraði Jórunn Harðardóttir úr SR með 1,089 stig og Guðrún Hafberg úr SFK varð önnur með 955 stig.

Keppni á Reykjavíkurleikunum í Loftriffli, fór fram í Laugardalshöllinni í morgun. Sigurvegari varð Jórunn Harðardóttir með 602,6 stig, í öðru sæti Guðmundur Helgi Christensen með 596,3 stig og í þriðja sæti Þórir Kristinsson með 559,8 stig, þar sem hann var í harðri keppni við unglinginn Viktoríu Erlu Bjarnarson sem endað aðeins 0,2 stigum á eftir honum og tryggði Þórir bronsið í síðasta skoti.

Keppni í Loftskammbyssu er nú lokið á Reykjavíkurleikunum. Í úrslitum sigraði Ívar Ragnarsson með 236,3 stig, Peter Martisovic frá Slóvakíu varð annar með 224,1 stig og Jón Þór Sigurðsson varð þriðji með 203,7 stig. Sóley Þórðardóttir stóð sig frábærlega í úrslitunum og endaði þar í 6.sæti með 142,1 stig. Það er nýtt Íslandsmet unglinga í greininni. Í undankeppninni jafnaði hún einnig eigið Íslandsmet með 532 stig. Fleiri myndir frá keppninni má finna hérna.