Jós­ef Friðrik Ólafs­son, fyrr­ver­andi yf­ir­lækn­ir St. Jós­efs­spít­ala í Hafnar­f­irði, lést á hjúkr­un­ar­heim­il­inu Boðaþingi í Kópa­vogi þann 15. fe­brú­ar, 91 árs að aldri. Jósef var keppnismaður hjá félaginu á árum áður. Nánar um Jósef í Morgunblaðinu: https://www.mbl.is/frettir/innlent/2021/03/02/andlat_josef_olafsson/

Árleg byssusýning Veiðisafnsins á Stokkseyri sem í ár verður í samvinnu við verslunina Vesturröst og skotfélagið Markviss á Blönduósi verður haldin laugard. 6. og sunnud. 7. mars 2021 frá kl. 11–18 í Veiðisafninu, Stokkseyri.

Fjölbreytt úrval skotvopna verður þar til sýnis svo sem haglabyssur, rifflar, skammbyssur, herrifflar ásamt ýmsu tengdu skotveiðum m.a úr einkasöfnum

Ingólfur í Vesturröst og félagar sýna úrval skotvopna sem og búnað til skotveiða og skotíþrótta ásamt sjónaukum og aukabúnaði til sýnis og sölu. Kynntir verða rifflar frá Savage, Henry, CZ, Tikka, Sako, haglabyssur frá Bettinsoli, Franchi, Beretta og Benelli, einnig sjónaukar frá Noblex, Bushnell, Simmons og Swarowski ásamt hljóðdeyfum frá Sonic og Ghost.

Skotfélagið Markviss á Blönduósi hélt 30 ára afmælissýning fyrir skemmstu og koma þeir félagar með sérvaldar byssur frá þeirri sýningu að þessu sinni, má þar nefna, riffla, herriffla, haglabyssur og skammbyssur og verður þar margt fróðlegt að sjá.

Félagsmenn frá Skotvís verða á staðnumog kynna félagið- og félagsstarfið.

Einnig verða til sýnis skotvopn og munir frá Sverri Scheving Thorsteinssyni, Sigurði Ásgeirssyni, Einari og Braga frá Þverá, Sveini Einarssyni frv.veiðistjóra, Sigmari B. Haukssyni og Drífu-haglabyssur frá Jóni Björnssyni heitnum frá Dalvík ásamt haglabyssum sem Jón Þorsteinsson frá Ólafsfirði smíðaði.

Allt áhugafólk um skotvopn og veiðar er velkomið, aðgangseyrir er kr.1500.- fl. og 750 kr. börn 6-12 ára.

Nánari upplýsingar má sjá: www.veidisafnid.is markviss.net vesturrost.is

LOKAÐ er á Álfsnesi í dag vegna veðurs.

SKOTREYN sendi inn ágæta greinargerð vegna umsóknar þeirra um starfsleyfi. Athugasemdir þeirra eiga fyllilega við um okkar umsókn og því athyglisvert fyrir okkur að lesa þetta til að öðlast betri skilning á þessu máli. Greinin er birt með leyfi formanns SKOTREYNar.

Grein SKOTREYN

Nú liggur fyrir skýrsla starfshóps Vegagerðinnar um legu Sundabrautar, en Reykjavíkurborg, Faxaflóahafnir og Samtök sveitarfélaga á höfuðborgarsvæðinu áttu einnig fulltrúa í hópnum. Fyrir okkur er það fagnaðarefni að skotsvæði Skotfélags Reykjavíkur verður ekki fyrir miklum áhrifum af þeirri legu. Reykjavíkurborg ætti því að vera í lófa lagið að halda félaginu áfram á þessum stað til framtíðar og hlúa bara enn betur að því. Skapa þarf sátt um nágrennið og gera skotíþróttaiðkendum kleift að stunda æfingar seinni part dags og um helgar allt árið. Á meðfylgjandi mynd má sjá afstöðu okkar svæðis á nesinu. Samantekt úr skýrslunni er hérna.