Skotfélag Reykjavíkur

Föstudagur, 11. júní 2010 23:37
Þeir félagsmenn sem greitt hafa árgjaldið til dagsins í dag eiga tilbúin félagskírteini í félagsheimilinu á Álfsnesi. Þeir sem greiða næstu tvær vikurnar þurfa að vera með greiðslukvittun á sér sem staðfestir greiðslu árgjalda. Skrifstofa félagsins er lokuð til 1.júlí vegna sumarleyfa.

Hreindýranámskeið SR komin á dagskrá

Sunnudagur, 06. júní 2010 19:20

Fyrsta námskeiðið verður haldið miðvikudaginn 23.júní kl. 18 til 21. Síðan alla miðvikudaga sem hér segir: 30.júní, 7.-14.-21. og 28.júlí og svo 4.ágúst. Þátttökugjald er kr. 4,000. Farið verður í almenna meðferð skotvopna, stillingar kíkja sem og meðhöndlun dýranna. Nýr bæklingur um hreindýraveiðar sem félagið hefur tekið saman fylgir með. Námskeiðinu lýkur með skotprófi þar sem skotið er 5 skotum í 10 cm hring skv. nánari útfærslu kennara. Leiðbeinendur verða Jóhann Vilhjálmsson, byssusmiður, og Vignir J. Jónasson, hreindýraleiðsögumaður.
Skráning á námskeiðin fer fram á tölvupóstfang : Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. eða hjá umsjónarmönnum á Álfsnesi.

Örn sigraði í Þorlákshöfn !

Laugardagur, 05. júní 2010 18:55

Örn Valdimarsson úr Skotfélagi Reykjavíkur sigraði á Landsmótinu í skeet sem var að ljúka í Þorlákshöfn. Hann skaut 113 og svo 21 í final eða alls 134 skífur. Þorgeir M.Þorgeirsson einnig úr SR varð í 4.sæti á 106 + 21 eða alls 127 skífum. Í unglingaflokki sigraði okkar maður, Óskar Karlsson með 92 skífur. Í liðakeppnini sigraði sveitin okkar með ofangreinda innanborðs.

Landsmót í skeet í Þorlákshöfn

Föstudagur, 04. júní 2010 21:41
Á morgun laugardag fer fram landsmót í haglabyssugreininni skeet á velli Skotíþróttafélags Suðurlands við Þorlákshöfn. Við eigum þar nokkra keppendur og verða úrslit þaðan birt um leið og þau berast.

Hreindýranámskeiðin hefjast í lok mánaðarins

Föstudagur, 04. júní 2010 21:38

Hin árlegu námskeið fyrir hreindýraskyttur hefjast seinni part mánaðarins. Tímasetning verður kynnt ásamt verði nú um helgina. Leiðbeinendur verða sem fyrr Jóhann Vilhjálmsson byssusmiður og Vignir J. Jónasson hreindýraleiðsögumaður. Skráning fer fram á póstfangið Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Byrjendanámskeið í haglabyssu-skeet að hefjast

Föstudagur, 04. júní 2010 21:34

Framundan eru byrjendanámskeið í haglabyssuskotfimi-skeet. Kennari verður Gunnar Sigurðsson yfirþjálfari félagsins. Fyrsta námskeiðið verður laugardaginn 13.júní og hefst það kl. 10 að morgni, mæting 9:45. Skotmenn og konur þurfa að mæta með eigin byssu og skot, 1 pakka af 24gr skeet skotum. Verð fyrir námskeiðið er kr. 2,000 en fyrir félagsmenn með greitt árgjald er verðið aðeins kr. 500. Þeir sem hafa áhuga þurfa að skrá sig á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. eða á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.