Á Landsmóti STÍ í Skeet-haglabyssu í dag, sigraði Örn Valdimarsson í einstaklingskeppninni og meistaraflokki, Óskar R.Karlsson sigraði í unglingaflokki, Gunnar Sigurðsson í öldungaflokki, Stefán G.Örlygsson í 2.flokki, Guðmundur Pálsson í 0.flokki og svo sigraði A-liðið okkar í liðakeppninni með þá Örn Valdimarsson, Þorgeir M.Þorgeirsson og Stefán G.Örlygsson innanborðs. Nánari úrslit eru hérna og svo eru komnar myndir inná fésbókina. Einnig skemmtilegar videomyndir sem Óskar Þórðarson tók af finalnum hérna.

Á laugardaginn verður haldið landsmót í haglabyssu-skeet á völlum félagsins á Álfsnesi. Lokað verður á þeim fyrir almennri umferð á meðan mótið stendur yfir. Riðlaskiptingin er komin hérna. Keppnisæfingar verða á fostudag kl.17:30 til 20:00

Hið árlega Christensenmót í loftbyssugreinunum var haldið í gærkvöldi í Egilshöllinni. Að venju sigraði Ásgeir Sigurgeirsson í loftskammbyssu og Jórunn Harðardóttir í loftriffli. Einnig bætti Númi Ólafsson Íslandsmet sitt í loftriffli unglinga. Úrslitablaðið er hérna og svo eru myndir inná myndasíðunni á fésinu.

Evrópska skotsambandið var að gefa út nýjan stöðulista í morgun. Ásgeir Sigurgeirsson tók stökk á listanum yfir bestu skotmenn Evrópu í frjálsri skammbyssu og er nú kominn uppí 19.sæti. Þetta er besta staða íslensks skotmanns í Evrópu frá upphafi mælinga. Hann er langfremstur Norðurlandabúa en næstur þeirra er Finni í 40.sæti. Framundan hjá Ásgeiri er þátttaka á heimsbikarmóti í Bandaríkjunum um miðjan Maí og eins á heimbikarmótinu í Þýskalandi í júní. Einnig er hann að fara á Smáþjóðaleikana í Liechtenstein í byrjun júní.

Minnum alla á hið árlega Christensenmót í loftskammbyssu og loftriffli á miðvikudaginn. Keppendur skrá sig á staðnum og geta byrjað að skjóta frá kl.16 til 20. Keppt er í opnum flokki í báðum greinum og skotið 60 skotum. Athugið að lokað er fyrir almennar æfingar þann daginn.