Skammbyssuskyttan okkar hann Ásgeir Sigurgeirsson, byrjar keppni í dag, kl.14:00 að íslenskum tíma, á heimsbikarmótinu í Fort Benning í Bandaríkjunum. Hann keppir í loftskammbyssu í dag. Hægt er að fylgjast með gangi mála hérna. Á laugardaginn keppir hann svo í frjálsri skammbyssu en tímasetningu er hægt að skoða hérna.

Athugið að skráningu keppenda á Landsmótið í Skeet sem verður haldið um næstu helgi í Þorlákshöfn lýkur á morgun. Ekki verður hægt að skrá sig eftir annað kvöld ! Okkar keppendur þurfa að senda skráningu á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. !!

Á stórrifflamóti Hlað og SR í dag, "Hlað Big Bore", sigraði Eiríkur Björnsson með 79 stig og hlaut í verðlaun ferð með Icelandair til Evrópu. Hann notaði CZ550 í cal.458Lott. Í öðru sæti varð Erlingur Guðleifsson með 74 stig en hann var með Tikka í cal.9,3x62. Í þriðja sæti hafnaði Pálmi S.Skúlason með 73 stig og notaði hann Sako í cal.416Rem. Alls mættu 23 keppendur til leiks. Nánari úrslit á hlad.is og svo eru nokkrar myndir frá mótinu hérna.

Á sunnudaginn fer fram stórrifflamót á Álfsnesi. Mótið er í boði Hlað og verða vegleg verðlaun í boði fyrir efstu menn. Lágmarkshlaupvídd riffla sem notaðir verða er 8,5mm. Mótið hefst kl.12:00 og fer skráning fram í Hlað til laugardags. Heimild fyrir mótinu á þessum tíma fékkst frá Heilbrigðiseftirliti Reykjavíkurborgar.

Að venju verður opið á Álfsnesi á laugardaginn kl. 10 til 18. Truflun verður á almenri umferð framan af vegna námskeiðs UST og lögreglunnar. Með góðan skammt af þolinmæði ætti það ekki að koma að sök.