Skotfélag Reykjavíkur

Föstudagur, 26. janúar 2018 09:53

Ásgeir Sigurgeirsson skammbyssuskytta er nú að keppa á einu sterkasta móti ársins í loftskammbyssu. Mótið kallast H&N Cup og er haldið árlega í München. Hann keppir bæði í dag sem og á morgun, laugardag. Hægt verður að fylgjast með skorinu á þessari slóð.

UPPFÆRT: Ásgeir er kominn í 8.manna úrslit í dag. Finalinn hefst kl.17:00 að okkar tíma.

UPPFÆRT: Ásgeir endaði í 6.sæti en þess má geta að keppendur voru 100 talsins.
Skorið í undankeppninni hjá honum var 579 stig (99-95-96-98-96-95). Hann keppir svo aftur á morgun.

Skráning RIG leikana

Fimmtudagur, 25. janúar 2018 20:33

Skráningu á Reykjavíkurleikana RIG lýkur þriðjudaginn 30.janúar. Keppendur sendi skráningu í gegnum félag sitt.
Keppt er í Loftskammbyssu og Loftriffli 60 skot.
Einn opinn flokkur í báðum greinum, þ.e. karlar og konur keppa saman án tillits til aldurs.
Keppt er í FINAL í báðum greinum sem hefjast kl.15:00
Bein útsending verður frá mótinu á Sjónvarpi Símans og mbl.is kl. 15-16
Mótsstjórn velur Skotkarl og Skotkonu mótsins að því loknu. Þeim verður veitt viðurkenning á hátíðarkvöldi mótsins kl.19:30-21:30 í Laugardalshöllinni sunnudaginn 4.febrúar

Ívar sigraði á Landsmótinu í Sportskammbyssu í dag

Laugardagur, 20. janúar 2018 18:00

Landsmót Skotíþróttasambands Íslands í Sport skammbyssu var haldið í Egilshöllinni í Grafarvogi í dag. Í einstaklingskeppninni sigraði Ívar Ragnarsson úr Skotíþróttafélagi Kópavogs með 556 stig, annar varð Eiríkur Ó. Jónsson úr sama félagi með 548 stig og í þriðja sæti hafnaði Ólafur Gíslason úr Skotfélagi Reykjavíkur með 543 stig.
Í liðakeppninni sigraði A-sveit Skotíþróttafélags Kópavogs með 1,634 stig (Ívar Ragnarsson 556, Eiríkur Ó. Jónsson 548, Jón Þ.Sigurðsson 530), í öðru sæti B-sveit Skotíþróttafélags Kópavogs með 1,544 stig (Friðrik Göethe 541, Gunnar B.Guðlaugsson 503, Guðmundur T. Ólafsson 500) og í þriðja sæti hafnaði A-sveit Skotfélags Reykjavíkur með 1,529 stig (Karl Kristinsson 537, Jón Á.Þórisson 500, Engilbert Runólfsson 492).

Landsmót í Sport skammbyssu á laugardaginn

Fimmtudagur, 18. janúar 2018 13:48
Landsmót í Sportskammbyssu fer fram í Egilshöllinni á laugardaginn. Alls eru 20 keppendur skráðir til leiks.

Íþróttaráðstefna í tengslum við RIG 25.janúar 2017

Þriðjudagur, 16. janúar 2018 10:28

wow-rig Íþróttabandalag Reykjavíkur og Íþrótta- og Ólympíusamband Íslands standa fyrir íþróttaráðstefnu í samstarfi við Háskólann í Reykjavík fimmtudaginn 25. janúar. Ráðstefnan fer fram í Háskólanum í Reykjavík í stofu V101 og hefst kl. 17. Ráðstefnustjóri verður Ingvar Sverrisson formaður ÍBR. Skráning fer fram hér á vefsíðu ÍSÍ og er aðgangur ókeypis.

Ráðstefnan er haldin í tengslum við Reykjavíkurleikana (WOW Reykjavik International Games 2018). Reykjavíkurleikarnir eru fjölgreina afreksíþróttamót sem haldið verður í 11. sinn árið 2018. Íþróttabandalag Reykjavíkur (ÍBR), í samstarfi við sérsambönd ÍSÍ, íþróttafélögin í Reykjavík og dyggum samstarfsaðilum, standa að leikunum. Keppni er frá 25. janúar til 4. febrúar og fer að mestu leyti fram í Laugardalnum og nágrenni hans. Glæsileg hátíðardagskrá verður á báðum keppnishelgum og margt spennandi að sjá.

Vefsíða RIG erÂ rig.is.

Facebook-síða Reykjavíkurleikanna erÂ RIG - WOW Reykjavik International Games.

Jórunn náði silfrinu í dag

Laugardagur, 13. janúar 2018 17:14

Thomas Viderö úr Skotíþróttafélagi Kópavogs sigraði í Frjálsri skammbyssu á Landsmóti Skotíþróttasambands Íslands sem haldið var í Kópavogi í dag, með 524 stig. Í öðru sæti hafnaði Jórunn Harðardóttir úr Skotfélagi Reykjavíkur með 512 stig og í þriðja sæti varð Ingvar Bremnes úr Skotíþróttafélagi Ísafjarðar með 464 stig. Í liðakeppninni sigraði sveit Skotíþróttafélags Kópavogs með 1,407 stig en sveitina skipuðu Thomas Viderö, Bára Einarsdóttir og Guðrún Hafberg. Í öðru sæti varð sveit Skotfélags Reykjavíkur með 1,250 stig skipuð Jórunni Harðardóttur, Jóni Árna Þórissyni og Þorsteini B. Bjarnarsyni.