Félaginu var að berast ný Mótaskrá STÍ til umfjöllunar. Þar er afar ánægjulegt að sjá BENCH REST riffilskotfimi aftur inná skránni. Keppt verður eftir reglum Alþjóða Bench Rest sambandsins. Haldið verður eitt mót á vegum STÍ og er það Íslandsmót 21.júlí 2012 á Álfsnesi. Mótaskráin er aðgengileg á heimasíðu STÍ, www.sti.is

Alþjóða Skotíþróttasambandið hefur nú birt afrekslistann fyrir nóvember og eigum við þar tvo menn. Örn Valdimarsson er í 80.sæti í Skeet og svo er Ásgeir Sigurgeirsson í 41.sæti í Fríbyssu og 62.sæti í Loftskammbyssu.

 Skotsamband Evrópu var að gefa út styrkleikalistann fyrir nóvember. Skotfélag Reykjavíkur á þar tvo skotmenn, Örn Valdimarsson í Skeet í 71.sæti og Ásgeir Sigurgeirsson í 39.sæti í Loftskammbyssu og 28.sæti í Frjálsri skammbyssu !!

Tæplega 50 krakkar úr Menntaskólanum á Akureyri komu í heimsókn til okkar á laugardaginn. Fengu þau að kynnast og prófa loftriffla í Egilshöllinni. Margar góðar skyttur leyndust í hópnum og mæta vafalaust mörg þeirra á æfingar hjá skotfélögunum í vetur.

Á fimmtudaginn fór fram fyrsta mót vetrarins í Egilshöll. Keppt var í bráðabana í loftskammbyssu. Ásgeir Sigurgeirsson sigraði, Guðmundur Kr.Gíslason varð annar og Guðmundur Helgi Christensen varð þriðji.