Skotfélag Reykjavíkur

Jón Þór sigraði á riffilmótinu í Egilshöllinni í dag

Laugardagur, 31. janúar 2015 15:35

Á landsmóti STÍ í liggjandi riffli, sem haldið var í dag í Egilshöllin sigraði Jón Þór Sigurðsson úr SFK með 617,8 stig, annar varð Valur Richter úr SÍ með 612,8 stig og þriðji varð Guðmundur Helgi Christensen úr SR með 612,5 stig. Í liðakeppni sigraði A-sveit Skotfélags Kópavogs (Arnfinnur A.Jónsson, Jón Þ. Sigurðsson og Stefán E. Jónsson) með 1830,9 stig, önnur varð A-sveit Skotíþróttafélags Ísafjarðar (Valur Richter, Guðmundur Valdimarsson og Ívar M. Valsson) með 1813,2 stig og í þriðja sæti A-sveit SR (Guðmundur Helgi Christensen, Þorsteinn Bjarnarson og Þórir Kristinsson) með 1798,9 stig. Í kvennaflokki sigraði Bára Einarsdóttir úr SFK með 610,6 stig og í öðru sæti varð Jórunn Harðardóttir úr SR með 607,3 stig.

Ásgeir með brons í dag í Þýskalandi

Laugardagur, 31. janúar 2015 13:22

Ásgeir Sigurgeirsson komst í úrslit í loftskammbyssunni á seinni deginum á einu sterkasta móti ársins IWK í München. Þar gekk honum ansi vel og endaði að lokum í þriðja sæti. Einsog í gær þá vantaði ekki stórstjörnurnar sem hann keppti gegn en kallinn sýndi styrk sinn og stimplaði sig enn frekar inn í hóp þeirra bestu í hans grein. Nánar á heimasíðu mótsins hérna.

Ásgeir komst í final í morgun á IWK í Munchen

Föstudagur, 30. janúar 2015 12:05

Ásgeir Sigurgeirsson keppti í loftskammbyssu á hinu gríðarsterka IWK-stórmóti í München í morgun og skoraði 581 stig.Hann hafnaði í 8.sæti en athyglisvert er að í final fóru menn sem skipa 3.,5.,10.,13.,20 og 36.sæti nýjasta Heimslista ISSF !! Ásgeir er sem stendur í 53.sæti á þeim lista. Hann keppir svo aftur á morgun í sömu grein. Hægt er að skoða úrslitin betur á þessari slóð.

Landsmót STÍ í riffilskotfimi í Egilshöll á morgun

Föstudagur, 30. janúar 2015 07:25
Landsmót STÍ í 60 skotum liggjandi riffli verður haldið í Egilshöllinni á morgun.

Frestuð skammbyssumót komin á dagskrá

Þriðjudagur, 27. janúar 2015 07:41

Landsmótin, sem frestað var í nóvember s.l., eru nú komin á dagskrá í Egilshöll sem hér segir:

28.febrúar Laugardag kl.10 Sportskammbyssa

1.mars Sunnudag kl.10 Gróf skammbyssa

Jórunn jafnaði Íslandsmetið á RIG 2015

Laugardagur, 24. janúar 2015 16:58

Skotfimi var nú með í fyrsta skipti á Reykjavíkurleikunum. Keppt var í loftbyssugreinunum í aðstöðu Skotfélags Reykjavíkur í Egilshöllinni. Keppt var með nýjum skotbrautum sem félagið fékk fyrir stuttu síðan.
Í loftskammbyssu karla sigraði Ásgeir Sigurgeirsson úr Skotfélagi Reylkjavíkur með 767,7 stig en í öðru sæti varð Thomas Viderö úr Skotfélagi Kópavogs með 747,4 stig. Þriðji varð svo Ívar Ragnarsson úr Skotfélagi Kópavogs.

Í loftskammbyssu kvenna sigraði Jórunn Harðardóttir úr Skotfélagi Reykjavíkur með 374 stig sem er jöfnun á hennar eigin Íslandsmeti. Í öðru sæti varð Bára Einarsdóttir úr Skotfélagi Kópavogs með 357 stig og í því þriðja Andrea Ösp Karlsdóttir einnig úr Skotfélagi Kópavogs með 338 stig.

Í loftriffli karla sigraði sigraði Guðmundur Helgi Christensen úr Skotfélagi Reykjavíkur með 587,8 stig og Theódór Kjartansson úr Skotdeild Keflavíkur varð í öðru sæti með 537,6 stig. Þriðji varð Sigfús Tryggvi Blumenstein úr SKotfélagi Reykjavíkur með 532,4 stig. Arnar H.Bjarnason úr Skotfélagi Kópavogs bætti eigið Íslandsmet í unglingaflokki og endaði á 480,8 stigum.

í loftriffli kvenna sigraði Íris Eva Einarsdóttir úr Skotfélagi Reykjavíkur með 397,6 stig en Jórunn Harðardóttir varð önnur með 393,2 stig.

Nokkrar myndir eru hérna.ÂÂ Nánari úrslit hérna.