Í úrslitakeppni þýsku Bundesligunnar sem fram fór um helgina endaði lið Ásgeirs Sigurgeirssonar í 5.sæti en 8 lið komust í úrslitakeppnina. Lið hans, TSV Ötlingen, tapaði sínum leik við Braunschweiger SG með 2:3. Ásgeir vann sinn keppinaut, Evrópumeistarann Oleg Omelchuk frá Úkraínu með 381 stigi gegn 378 en það dugði ekki til því 3 félagar Ásgeirs töpuðu sínum viðureignum og komust því ekki áfram. Nánari úrslit má finna hérna.

Janúar hefti fréttabréfs Smáþjóðaleikanna er komið út og er _{aðgengilegt hérna.}

Þorrakvöldið verður haldið í skotsalnum í Egilshöllinni svo fremi sem næg þátttaka náist. Salurinn opnar kl.18:00 og er reiknað með að því ljúki um kl.22:00. Þorramatur verður á boðstólum frá Veisluþjónustu Múlakaffis. Miðaverð er kr. 4,500 á manninn. Pantanir þurfa að berast í síðasta lagi föstudaginn 13.febrúar með tölvupósti á:  Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Reykjavíkurmótið í loftskammbyssu og loftriffli fer fram í Egilshöllinni miðvikudaginn 11.febrúar n.k. Skráningar þurfa að berast okkur í síðasta lagi á fimmtudaginn kemur, 5.febrúar. Skráningar þurfa að berast á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Á landsmóti STÍ í liggjandi riffli, sem haldið var í dag í Egilshöllin sigraði Jón Þór Sigurðsson úr SFK með 617,8 stig, annar varð Valur Richter úr SÍ með 612,8 stig og þriðji varð Guðmundur Helgi Christensen úr SR með 612,5 stig. Í liðakeppni sigraði A-sveit Skotfélags Kópavogs (Arnfinnur A.Jónsson, Jón Þ. Sigurðsson og Stefán E. Jónsson) með 1830,9 stig, önnur varð A-sveit Skotíþróttafélags Ísafjarðar (Valur Richter, Guðmundur Valdimarsson og Ívar M. Valsson) með 1813,2 stig og í þriðja sæti A-sveit SR (Guðmundur Helgi Christensen, Þorsteinn Bjarnarson og Þórir Kristinsson) með 1798,9 stig. Í kvennaflokki sigraði Bára Einarsdóttir úr SFK með 610,6 stig og í öðru sæti varð Jórunn Harðardóttir úr SR með 607,3 stig.