Skotfélag Reykjavíkur

Laugardagur, 06. apríl 2019 17:33

Íslandsmótið í loftskammbyssu fór fram í Egilshöllinni í dag. Ásgeir Sigurgeirsson úr Skotfélagi Reykjavíkur varð Íslandsmeistari í karlaflokki með 580 stig, annar varð Ívar Ragnarsson, Skotíþróttafélagi Kópavogs, með 565 stig og í þriðja sæti Ingvar Bremnes úr Skotíþróttafélagi Ísafjarðar með 529 stig.

Í liðakeppni sigraði A-sveit Skotfélags Reykjavíkur með 1,591 stig, önnur varð sveit Skotíþróttafélags Kópavogs með 1,570 stig og í þriðja sæti B-sveit Skotfélags Reykjavíkur með 1,514 stig.

Jórunn Harðardóttir úr Skotfélagi Reykjavíkur varð Íslandsmeistari í kvennaflokki með 553 stig, önnur varð Kristína Sigurðardóttir einnig úr Skotfélagi Reykjavíkur með 550 stig og þriðja Þorbjörg Ólafsdóttir, Skotfélagi Akureyrar, með 513 stig.

Í stúlknaflokki varð Sóley Þórðardóttir Íslandsmeistari með 492 stig, önnur varð Sigríður L. Þorgilsdóttir með 482 stig og þriðja Rakel Arnþórsdóttir með 452 stig, en þær keppa allar fyrir Skotfélag Akureyrar. Þær urðu jafnframt Íslandsmeistarar stúlknaliða fyrir Skotfélag Akureyrar með 1,426 stig, en það er jafnframt nýtt Íslandsmet. Í drengjaflokki varð Magnús G. Jensson, Skotdeild Keflavíkur, Íslandsmeistari með 423 stig.

Eins voru krýndir Íslandsmeistarar í hverjum flokki og má sjá það nánar á www.sti.is

Íslandsmót um næstu helgi í Egilshöllinni

Þriðjudagur, 02. apríl 2019 16:04
Íslandsmótin í Loftskammbyssu og Loftriffli fara fram í Egilshöllinni um næstu helgi. Keppt verður í Loftskammbyssu á laugardaginn og hefst keppnin kl. 09:00. Á sunnudaginn er svo keppt í Loftriffli og hefst keppnin kl. 10:00.

Reykjavíkurmeistarar krýndir í dag

Sunnudagur, 31. mars 2019 10:55

Reykjavíkurmótin í Loftskammbyssu og Loftriffli fóru fram í Egilshöllinni í dag. Í Loftskammbyssu kvenna sigraði Jórunn Harðardóttir úr SR með 551 stig og Kristína Sigurðardóttir úr SR varð önnur með 539 stig. Í karlaflokki sigraði Ásgeir Sigurgeirsson úr SR með 576 stig, Ívar Ragnarsson úr SFK varð annar með 548 stig og þriðji varð Jens Magnússon úr SK með 513 stig. Í unglingaflokki hlaut Einar Hjalti Gilbert úr SK gullið með 446 stig. Í loftriffli kvenna sigraði Íris Eva Einarsdóttir úr SR og Jórunn Harðardóttir úr SR varð önnur. Þær voru báðar með 596,6 stig en Íris hafði betur með 32 x-tíur en Jórunn 23. Í unglingaflokki fékk gullið Viktoría Erla Bjarnarson úr SR með 559,9 stig. SR-keppendurnir hlutu Reykjavíkurmeistaratitilinn 2019.

Keppnisæfing fyrir Reykjavíkurmótið

Föstudagur, 29. mars 2019 10:06
Keppnisæfing fyrir Reykjavíkurmótið kl. 17-19 í dag Bein útsending AR60= http://results.sius.com/ShootEvent.aspx?Championship=65d1b342-cf03-4415-9a57-157e45c8f429&ShootEvent=AR60X Bein útsending AP60= http://results.sius.com/ShootEvent.aspx?Championship=65d1b342-cf03-4415-9a57-157e45c8f429&ShootEvent=AP60X

Guðmundur Helgi með tvö gull um síðustu helgi

Föstudagur, 15. mars 2019 09:56

Guðmundur Helgi Christensen úr Skotfélagi Reykjavíkur sigraði á tveimur landsmótum um síðustu helgina.Â

Á laugardaginn 9.mars sigraði hann í 50m liggjandi riffli með 615.2 stig, í öðru sæti varð Valur Richter úr Skotíþróttafélagi ÍsafjarðarbæjarÂ með 614.2 stig og í þriðja sæti hafnaði Jón Þór Sigurðsson úr Skotfélagi Kópavogs með 612.8 stig. Lið Skotíþróttafélags Ísafjarðar sigraði í liðakeppninni.

Á sunnudeginum 10.mars sigraði hann svo í Þrístöðukeppni með 1,098 stig, annar varð Valur Richter með 977 stig og í þriðja sæti Leifur Bremnes úr Skotíþróttafélagi Ísafjarðar með 953 stig.Â Nánar má skoða úrslitin á www.sti.isÂ

Sigurður Unnar í 22.sæti af 106 á Kýpur

Sunnudagur, 24. febrúar 2019 15:09

Sigurður Unnar Hauksson var að ljúka keppni í skeet á hinu árlega Grand Prix móti á Kýpur. Þetta er með sterkustu mótum í geininni ár hvert. Sigurður náði alls 117 stigum og hafnaði í 22.sæti af 106 keppendum sem er frábær árangur.Fyrri daginn skaut hann 68 stig (23 23 22) og svo í dag 49 stig (24 25). Hann er búinn að vera í æfingabúðum undanfarnar vikur og endaði prógrammið með þessu móti.Þjálfari Sigurðar, Peeter Pakk, er búinn að vera með honum allan tímann ásamt æfingafélaga hans, Reino Velleste frá Eistlandi, sem varð jafn honum að stigum í mótinu. Nánari úrslit má finna hérna.