Næstsíðasta mót vetrarins í 30-skota skammbyssukeppnunum var haldið í gærkvöldi. Að þessu sinni sigraði Kolbeinn Björgvinsson, annar varð Jón Árni Þórisson og í 3ja sæti Björgvin Óskarsson. Skorblaðið er hérna.

Ásgeir Sigurgeirsson heldur utan til keppni í Kóreu á morgun. Hann keppir á heimsbikarmótinu í Changwon í frjálsri skammbyssu á laugardaginn og í loftskammbyssu á mánudaginn. Nánari tímasetningar koma hér innan tíðar.

Innanfélagsmót í loftriffli og loftskammbyssu verður haldið í Egilshöllinni á fimmtudaginn 7.apríl. Mótið hefst kl.18. Keppendur geta byrjað strax kl.18:10. Skráning á staðnum. Keppnisrétt hafa allir félagsmenn SR.

Á Superfinal mótinu í kvöld sigraði Ásgeir Sigurgeirsson í loftskammbyssu eftir spennandi keppni. Í loftriffilkeppninni vann Sigfús Tryggvi Blumenstein. Fjöldi áhorfenda mætti og hvatti keppendur með áhöldum úr búsáhaldabyltingunni. Fjöldi keppenda mætti til leiks, 15 í loftskammbyssu og 7 í loftriffil.

Á fimmtudaginn, 31.mars, verður haldið innanfélagsmót í SÚPERFINAL. Allir félagsmenn okkar eru gjaldgengir óháð keppnisrétti.

Hann hefst kl.20:00 og því þurfa keppendur að vera mættir 30 mín fyrr.

Þið getið mætt frá kl.18:00 og æft ykkur áður en finalinn hefst.

Hann fer þannig fram að við skjótum öll samtímis eitt skot á skífu. Sá sem á lægsta skorið fellur út og svo koll af kolli þar til einn situr eftir sem sigurvegari. Engin skor verða skráð því þetta er útsláttarkeppni.

Ætlast er til að áhorfendur láti í sér heyra á meðan keppt er og köll og klöpp eru algerlega heimil, s.s. enginn friður. Þetta er svipað fyrirkomulag og hefur verið prófað á nokkrum alþjóðlegum mótum undanfarið og fengið frábærar viðtökur.

Kveðja

Gummi Gísla