RIG leikarnir 2020 verða haldnir í Reykjavík í lok janúar og byrjun febrúar n.k. Skráning stendur nú yfir en lýkur þann 20. janúar 2020. Nánar á síðu leikanna hérna.

Skotíþróttasamband Íslands hefur valið eftirtalda sem Skotíþróttamenn ársins 2019 :

Skotíþróttakarl Ársins 2019 er: Ásgeir Sigurgeirsson úr Skotfélagi Reykjavíkur

Ásgeir sigraði í öllum þeim mótum sem hann tók þátt í hérlendis og er ríkjandi Íslandsmeistari í Loftskammbyssu.

• Hann varð Þýskalandsmeistari með liði sínu, SGi Ludwigsburg í Þýsku Bundesligunni í vor.
• Hann sigraði á Smáþjóðaleikunum í Svartfjallalandi í lok maí.
• Á Heimsbikarmóti ISSF í Kína í lok apríl hafnaði hann í 35.sæti af 97 keppendum.
• Á Heimsbikarmóti ISSF í Brasilíu í lok ágúst varð hann í 23.sæti af 87 keppendum.

Ásgeir er sem stendur í 56.sæti á Heimslistanum og í 39.sæti á Evrópulistanum.

Skotíþróttakona Ársins 2019 er: Jórunn Harðardóttir úr Skotfélagi Reykjavíkur

Jórunn sigraði á flestum þeim mótum sem hún tók þátt í hérlendis.

• Hún varð Íslandsmeistari í Loftskammbyssu
• Hún varð Íslandsmeistari í 50 metra liggjandi riffli
• Hún varð Íslandsmeistari í Þrístöðuriffli
• Hún hafnaði í 58.sæti á Evrópumeistaramótinu í Króatíu

Við neyðumst til að aflýsa riffilmótinu sem halda áttti á sunnudaginn, vegna veikinda.

Það verður lokað hjá okkur í dag, laugardag. Opið verður á Álfsnesi 28.desember kl. 12-16

Á landsmóti STÍ sem haldið var í Egilshöllinni í dag, jafnaði Jórunn Harðardóttir úr SR eigið Íslandsmet í rifflgreininni Þríþraut, 1095 stig. Í greininni er skotið 3x40 skotum, liggjandi, krjúpandi og standandi. Önnur í kvennaflokki varð Guðrún Hafberg úr SFK með 957 stig. Í karlaflokki sigraði Guðmundur Helgi Chrsitensen úr SR með 1,109 stig, annar varð Þórir Kristinsson úr SR með 1,020 stig og í þriðja sæti Valur Richter úr SÍ með 1,001 stig. Í liðakeppninni bætti sveit SR eigið Íslandsmet með 3,053 stig og sveit SÍ hreppti silfrið með 2,813 stig. Hægt er að skoða nánar á SIUS-síðunni