Skotfélag Reykjavíkur

Mánudagur, 24. maí 2010 18:13

Ásgeir Sigurgeirsson keppir í loftskammbyssu á heimsbikarmótinu á morgun, þriðjudag, kl.13:00 að íslenskum tíma. Hægt er að fylgjast með honum á skorsíðu ISSF. Þar er einnig hægt að fylgjast með öðrum greinum mótsins. Úrslitin eru einnig sýnd beint á ISSF-TV og á eftir kl.19:30 verða úrslitin í loftskammbyssu kvenna sýnd beint hérna. Veljið LIVE TV hægra megin á skjánum.

Lið okkar sigraði á landsmótinu í dag

Laugardagur, 22. maí 2010 21:55

Helsut úrslit á landsmóti STÍ, sem haldið var í dag á svæði félagsins að Álfsnesi, urðu sem hér segir: Í liðakeppninni sigraði A-lið okkar með þá Gunnar Sigurðsson, Þorgeir M. Þorgeirsson og Einar Einarsson innanborðs. Í flokki unglinga sigraði Óskar R. Karlsson úr SR og í kvennaflokki Margrét Elfa Hjálmarsdóttir einnig úr SR. Þorgeir M.Þorgeirsson úr SR varð í 3.sæti í einstaklingskeppni karla. Í flokkakeppninni sigraði Þorgeir í 1.flokki, og í öldungaflokki sigraði vonarstjarnan okkar, Gunnar Sigurðsson en ljóst er að hann fær meiri keppni á næstu mótum í Öl-flokknum. Sérslega ánægjulegt var að sjá okkar lið sigra í liðakeppninni en á árum áður voru lið okkar fastagestir í gullverðlaunasætum landsmótanna. Úslit mótsins eru komin á úrslitasíðu STÍ hérna og eins er nóg af myndum hérna. Ef einhverja langar í góð eintök af myndunum þá er einfalt að hringja í framkvæmdastjórann og óska eftir eintaki í tölvupósti.

Opið mánudaginn, annan í Hvítasunnu

Laugardagur, 22. maí 2010 19:21
Álfsnesið verður opið á mánudaginn, annan í Hvítasunnu - sjá Opnunartímar

Heimsbikarmót í USA 21. til 31.maí

Föstudagur, 21. maí 2010 09:55

Ásgeir Sigurgeirsson er að fara til Bandaríkjanna í fyrramálið, þar sem hann mun taka þátt í bæði Loftskammbyssu sem og Frjálsri skammbyssu (Free pistol), á heimsbikarmóti ISSF í Fort Benning. Hægt verður að fylgjast með framgangi mála á heimasíðu mótsins hérna. Ásgeir er þarna að keppa við þá bestu í þessum greinum og verður spennandi að sjá hvernig honum gengur í keppni við þá.

Árgjöld 2010 farin í innheimtu

Fimmtudagur, 20. maí 2010 17:19

Greiðsluseðlar vegna árgjalds 2010 verða sendir út næstu daga. Greiðslukvittun gildir sem félagsskírteini þar til þau verða tilbúin. Sú nýlunda verður tekin upp á svæðum félagsins að starfsmönnum verður óheimilt að selja þjónustu þess nema gegn framvísun gilds félagsskírteinis eða greiðslukvittunar. Félagsmenn SKOTREYN-ar sem nýta sér riffilaðstöðuna samkvæmt samning, þurfa að framvísa sínu félagsskírteini merktu SKOTREYN. Eindagi árgjalds er 10.júní.

Okkar menn sigruðu í gær

Fimmtudagur, 20. maí 2010 10:27
Á Opna Akranesmótinu í loftbyssugreinunum sigruðu okkar menn. Sigfús Tryggvi Blumenstein sigraði í loftriffli með 542 stig og Ásgeir Sigurgeirsson í loftskammbyssu með 582 stig. Nánar um úrslit hérna og eins fréttir af mótinu hérna.