Skotfélag Reykjavíkur

Laugardagur, 30. apríl 2011 18:36

Íslandsmótinu í loftbyssugreinunum er nú lokið. Steinunn Guðmundsdóttir úr SKA setti nýtt Íslandsmet í unglingaflokki kvenna í loftskammbyssu, bæði með og án final, Númi Ólafsson úr SFK jafnaði Íslandsmetið í unglingaflokki án final og svo setti kvennasveit SR Íslandsmet í loftskammbyssu. Í loftskammbyssu karla varð Ásgeir Sigurgeirsson Íslandsmeistari, í loftskammbyssu kvenna Jórunn Harðardóttir, í loftriffli karla Guðmundur Helgi Christensen, í loftriffli kvenna Íris Eva Einarsdóttir, í liðakeppni karla A-sveit Skotfelags Reykjavíkur (Ásgeir Sigurgeirsson,Guðmundur Kr.Gíslason,Guðmundur H.Christensen), í liðakeppni kvenna A-sveit Skotfélags Reykjavíkur (Jórunn Harðardóttir,Kristína Sigurðardóttir,Inga Birna Erlingsdóttir). Eins voru krýndir Íslandsmeistarar í öllum flokkum karla og kvenna. Myndir eru hérna.

Lokað í Egilshöll en að mestu opið á Álfsnesi

Föstudagur, 29. apríl 2011 20:55

Athugið að það er lokað í Egilshöllinni fyrir almennar æfingar á morgun vegna Íslandsmótsins í Loftbyssugreinunum sem haldið er þar. Á Álfsnesi verður truflun á starfseminni vegna skotvopnanámskeiðs UST og lögreglunnar. Það námskeið stendur yfir frá kl. 10 til ca 14. Hægt verður að skjóta en áréttað að námskeiðin ganga fyrir almennum æfingum á meðan þau standa yfir.

Riffilnefnd SR sett á laggirnar

Föstudagur, 29. apríl 2011 20:50
Riffilnefnd SR hefur verið sett á laggirnar. Í henni sitja Magnús Sigurðsson sem er formaður hennar, Hjálmar Ævarsson og Kjartan Friðriksson.

Ásgeir á fleygiferð upp heimslistann !!

Föstudagur, 29. apríl 2011 11:26

Ásgeir Sigurgeirsson er kominn uppí 28.sæti á heimslistanum í Frjálsri skammbyssu. Hann rauk upp listann eftir frábæran árangur á heimsbikarmótinu í Kóreu um daginn. Hann var í 89.sæti á síðasta list. Í Loftskammbyssunni færðist hann úr 55.sæti í það 60. en hann átti við veikindi að stríða á mótinu í Kóreu og var þar langt frá sínu besta. Annars hreint frábær staða en enginn Íslendingur hefur áður komist svo hátt á Heimslista í skotfimi.

Íslandsmótin í Loftskammbyssu og Loftriffli 30.apríl

Miðvikudagur, 27. apríl 2011 16:05
Íslandsmótin í Loftskammbyssu og Loftriffli verða haldin í Egilshöllinni á laugardaginn kemur, 30.apríl. Lokað er fyrir almennar æfingar þann dag. Mettþátttaka er á mótunum eða alls 32 keppendur. Riðlaskiptingin er komin og er aðgengileg hérna.