Úrslit í Frjálsu skammbyssunni á heimsbikarmótinu í München hefjast kl.06:30 að okkar tíma í fyrramálið. Hægt er að fylgjast með Ásgeiri Sigurgeirssyni hérna undir 50m Pistol Men

Ásgeir er að keppa í frjálsu skammbyssunni í München. Tengill á keppnina hérna. Hann endaði í 8.sæti og kemst því beint í úrslitakeppnina á morgun. Skorið var fínt hjá honum 92-96-93-94-91-92 alls 558 stig.

Ákveðið hefur verið að fresta fyrirhuguðu móti í Benchrest sem halda átti á Álfsnesi 26. og 27. maí. Þar sem mótið kemur uppá Hvítasunnuhelgi og margir komast ekki af augljósum ástæðum var tekin ákvörðun um að fresta mótinu og finna því aðra helgi sem hentar betur. Beðist er velvirðingar á þeim óþægindum sem menn kunna að hafa orðið fyrir af þessari frestun. Mótið verðu auglýst hér síðar.

Úrslitin úr Big Bore mótinu um helgina eru nú komin hérna.

34. Skotþing Skotíþróttasambands Íslands (STÍ) fór fram í húsakynnum ÍSÍ í Laugardalnum sl. laugardag. Alls voru 27 þingfulltrúar mættir og góð umræða var á þinginu sem þingforsetinn Jón S. Ólason stýrði röggsamlega. Starfsemi STÍ hefur vaxið stöðugt undangengin ár og síðasta ár var engin undantekning í þeim efnum. Í skýrlsu stjórnar kom m.a. fram góður árangur keppnisfólks á erlendum mótum sem og að stjórn sambandsins hefur unnið ötullega í erlendu samstarfi og er að njóta ávöxt af því í dag. Ný vopnalög sem eru í smíðum eru stærsta áhyggjuefni fyrir STÍ en ef þau yrðu samþykkt óbreytt myndi það þýða að STÍ þyrfti að fella niður nokkrar keppnisgreinar sem yrðu ólöglegar með samþykki þessara laga.
Halldór Axelsson var endurkjörinn formaður, Guðmundur Kr. Gíslason var kosinn í aðalstjórn og Jórunn Harðardóttir í varastjórn.
Fulltrúar ÍSÍ á þinginu voru þeir Hafsteinn Pálsson og Friðrik Einarsson úr framkvæmdastjórn ÍSÍ. Við þetta tækifæri sæmdi Friðrik Einarsson ritara STÍ, Kjartan Friðriksson, silfurmerki ÍSÍ fyrir störf hans í þágu íþróttahreyfingarinnar.