Skotfélag Reykjavíkur

Ásgeir tekur þátt í liðakeppni í Þýskalandi

Sunnudagur, 14. október 2012 18:26
Ásgeir Sigurgeirsson er að byrja núna að keppa á sínu fyrsta móti í Þýsku bundesligunni í annari deild. Klúbburinn heitir SV Groß und Kleinkaliber. Hægt er að skoða þetta betur á á heimasíðu Þýska skotsambandsins. Hann mun keppa með þessu liði í deildakeppninni í vetur. Það fylgja hérna með myndir frá keppninni um helgina.

Vopnalagafrumvarpið farið í gang

Fimmtudagur, 11. október 2012 18:18
Innanríkisráðherra, Ögmundur Jónasson, lagði í dag fram fumvarpið um ný Vopnalög. Fylgjast má með málinu á þessari slóð. Því var vísað til Allsherjar-og menntamálanefndar.

Mótaskrá 2012 - 2013 komin út

Fimmtudagur, 11. október 2012 14:06

Þá er mótaskrá STÍ fyrir kúlugreinarnar komin út. Fyrsta mót vetrarins verður Landsmót í Loftgreinunum sem verður haldið í Egilshöllinni laugardaginn 17.nóvember n.k. Skoða má mótaskrána nánar á heimasíðu Skotíþróttasambands Ísland: http://sti.is/

Minnum á Íslandsmót í Benchrest 20. og 21. okt. nk.

Föstudagur, 05. október 2012 11:57

Íslandsmót í Benchrest Score á 100+200 metrum verður haldið á Álfsnesi dagana 20. og 21. október nk. Keppt verður í HV-flokki riffla samkvæmt reglum IBS.

Mæting er kl. 10:30 - skottími hefst kl 12:00: Keppt er á laugardeginum á 100metrum og á sunnudeginum á 200 metrum. Samanlagður árangur úr báðum færum ræður úrslitum.

Skráning í mótið er samkvæmt reglum Stí - sjá; http://sti.is/Reglur/mot_keppnisreglur.htm

Egilshöllin opnar í kvöld

Mánudagur, 01. október 2012 15:50

Vetrarstarfið hefst í kvöld með opnun í Egilshöllinni. Opið verður samkvæmt auglýstri dagskrá mánudaga til fimmtudaga kl. 19 til 21 og flesta laugardaga kl. 11 til 13.

Valdimar Long Íslandsmeistari í Bench Rest

Sunnudagur, 23. september 2012 18:58

Valdimar Long úr Skotfélagi Reykjavíkur varð í dag Íslandsmeistari í Bench Rest riffli á 100+200 metra færi í grúppum. Annar varð Hjalti Stefánsson úr Skotfélagi Austurlands og þriðji Hjörleifur Hilmarsson úr Skotfélagi Kópavogs. Nánari úrslit koma frá STÍ eftir helgi. Meðfylgjandi myndir eru frá Agli Þ.Ragnarssyni.

Viðbót: Úrslit eru komin inná úrslitasíðu STÍ og eins nokkrar myndir hérna.