Skotfélag Reykjavíkur

Frábær árangur í Grikklandi á EM í Skeet

Laugardagur, 03. október 2026 17:04

Frábær árangur náðist hjá íslenska landsliðinu í haglabyssugreininni Skeet á Evrópumeistaramótinu í haglagreinum, sem fram fer í Malakasa í Grikklandi.

Landslið Íslands skipa þeir Arnór Logi Uzureau, Hákon Þór Svavarsson og Jakob Þór Leifsson. Aðstæður voru krefjandi í keppninni, en vindasamt var og birta mjög breytileg vegna skýjafars. Alls tóku 94 keppendur frá 39 Evrópulöndum þátt.

Arnór Logi Uzureau náði bestum árangri íslensku keppendanna og skaut 121 leirdúfu, sem er jafnframt persónulegt met hjá honum. Hann hafnaði í 10. sæti. Hákon Þór Svavarsson skaut 119 leirdúfur og hafnaði í 27. sæti og Jakob Þór Leifsson skaut 103 og varð í 84. sæti.

Einnig var keppt um kvótapláss áÂ Evrópuleikana í Istanbúl 2027. Tíu efstu sætin á mótinu gáfu þjóðunum sæti á Evrópuleikana, en að lokinni keppni voru þrír keppendur jafnir með 121 dúfu.

Íslensku keppendurnir voru þegar komnir á gististað sinn þegar fréttir bárust af því að skjóta ætti bráðabana um kvótaplássið. Með dyggum stuðningi félaga sinna tókst Arnóri að mæta aftur á keppnisstað innan tímamarka.

Þar lét hann ekki pressuna hafa áhrif á sig. Arnór missti ekki úr dúfu í bráðabananum og hafði betur gegn keppendum frá Ítalíu og AIN (Rússland/Hvíta-Rússland). Með sigrinum tryggði hann Íslandi kvótapláss í Skeet karla á Evrópuleikunum 2027.

Evrópuleikarnir fara fram í Istanbúl í Tyrklandi dagana 16.–27. júní 2027 og verða skotíþróttir þar hluti af undankeppnisleiðinni fyrir Ólympíuleikana í Los Angeles 2028.

Úrslit íslensku keppendanna:

Arnór Logi Uzureau – 121 dúfa – 10. sæti
Hákon Þór Svavarsson – 119 dúfur – 27. sæti
Jakob Þór Leifsson – 103 dúfur – 84. sæti

Úrslitin:

https://www.esc-shooting.org/events/2026-european-championships-shotgun-athens-greece-796

Fyrsti opnunardagur vetrardagskrár í Egilshöll í kvöld

Mánudagur, 21. september 2026 15:42
Fyrsti opnunardagur vetrarstarfs er í Egilshöllinni í kvöld kl. 19 til 21

Leyfi lögreglu vegna starfseminnar

Miðvikudagur, 19. ágúst 2026 09:30

Ef einhver hefur haft einhverjar efasemdir um að Skotfélag Reykjavíkur hafi viðurkenningar frá lögreglu til að halda úti skotsvæðum þess á Álfsnesi og í Egilshöll, og eins að félagið geti tekið á móti og þjálfað ungmenni þá látum við hér flakka skjöl til staðfestingar á því. Nú bíðum við bara eftir lokastarfsleyfinu frá Heilbrigðiseftirliti Reykjavíkurborgar til að geta farið að þjóna almenningi á svæðinu á Álfsnesi. Starfsemin í Egilhöll hefst svo uppúr miðjum september en það verður auglýst innan skamms.

Drög að endurnýjuðu starfsleyfi birt

Mánudagur, 17. ágúst 2026 08:19

Drög að endurnýjuðu starfsleyfi vegna starfsemi félagsins á Álfsnesi hafa verið birt á vef Reykjavíkurborgar og má skoða þau hérna.Birtingartíminn er til 10.september og má á þeim tíma gera athugasemdir við drögin. Breyting á lögum um starfsleyfi virðast ekki hafa gefið Heilbrigðiseftirliti möguleika á að stytta þennan auglýsingatíma en í nýju lögunum er þeim gert mögulegt að stytta tímann í eina viku ef um endurnýjun án mikilla breytinga á skilyrðum er að ræða. En hvað um það við sjáum þó fram á að geta hafið einhverja starfsemi seinni partinn í september. Tekjutap félagsins er orðið gríðarlegt vegna þessarar lokunar og hafa verið nefndar tölu sem nema milljónatugum. Við ættum þó að geta tekið að okkur verklega þátt skotvopnaprófanna í lok september og tekið við þeim höfuðborgarbúum sem hefðu annars þurft að sækja þau námskeið til annara skotfélaga með tilheyrandi kostnaði.ÂÂÂÂ

Dagný og Sólveig Íslandsmeistarar

Mánudagur, 27. júlí 2026 11:18
Dagný Huld Hinriksdóttir úr SR varð Íslandsmeistari í kvennaflokki í haglabyssugreininni Compak Sporting en mótið fór fram á Akureyri um helgina. Í unglingaflokki varð Sólveig Jónsdóttir úr SR Íslandsmeistari. Lið SR varð í þriðja sæti á mótinu en það skipuðu Jón Valgeirsson, Þorri Helgason og Dagný H. Hinriksdóttir.