Skotfélag Reykjavíkur

Mánudagur, 28. júní 2010 16:48
Ásgeir Sigurgeirsson keppir þessa dagana á heimsbikarmótinu sem stendur nú yfir í Belgrað í Serbíu. Í fyrramálið keppir hann í loftskammbyssu og á miðvikudaginn í frjálsri skammbyssu. Hægt er að fylgjast með framvindu á heimasíðu Alþjóða skotíþróttasambandsins.

Örn varð annar á Akureyri

Mánudagur, 21. júní 2010 17:06
Á landsmótinu á Akureyri um helgina varð okkar maður, Örn Valdimarsson annar í karlaflokki og liðið okkar í 2.sæti , með þá Þorgeir Má Þorgeirsson, sem varð í 6.sæti í mótinu, Gunnar Sigurðsson sem sigraði í Öldungaflokki og Örn valdimarsson innaborðs. Nánar um úrslit mótsins er að finna á úrslitasíðu STÍ, www.sti.is

Ásgeir sigraði á mótinu í dag

Laugardagur, 19. júní 2010 16:47
Ásgeir Sigurgeirsson úr Skotfélagi Reykjavíkur sigraði á Bikarmótinu í frjálsri skammbyssu í dag en hann skoraði 531 stig að þessu sinni. Í öðru sæti varð Stefán Sigurðsson úr SFK en í 3ja sæti varð Guðmundur Helgi Christensen úr Skotfélagi Reykjavíkur. Skoða má úrslitin á www.sti.is

Landsmót STÍ í Fríbyssu á Álfsnesi

Miðvikudagur, 16. júní 2010 21:21
Landsmót Stí í Fríbyssu verður haldið á Álfsnesi laugardaginn 19. júni nk. Keppnin hefst kl 10:00 og stendur til kl 12:00. Skotskýlið er lokað fyrir aðra starfsemi meðan mótið stendur yfir. Skýlið verður opnað fyrir almenna starfssemi kl 12:00. Haglavellirnir verða opnaðir að vanda kl 10:00.

Félagsskírteinin tilbúin á Álfsnesi

Föstudagur, 11. júní 2010 23:37
Þeir félagsmenn sem greitt hafa árgjaldið til dagsins í dag eiga tilbúin félagskírteini í félagsheimilinu á Álfsnesi. Þeir sem greiða næstu tvær vikurnar þurfa að vera með greiðslukvittun á sér sem staðfestir greiðslu árgjalda. Skrifstofa félagsins er lokuð til 1.júlí vegna sumarleyfa.

Hreindýranámskeið SR komin á dagskrá

Sunnudagur, 06. júní 2010 19:20

Fyrsta námskeiðið verður haldið miðvikudaginn 23.júní kl. 18 til 21. Síðan alla miðvikudaga sem hér segir: 30.júní, 7.-14.-21. og 28.júlí og svo 4.ágúst. Þátttökugjald er kr. 4,000. Farið verður í almenna meðferð skotvopna, stillingar kíkja sem og meðhöndlun dýranna. Nýr bæklingur um hreindýraveiðar sem félagið hefur tekið saman fylgir með. Námskeiðinu lýkur með skotprófi þar sem skotið er 5 skotum í 10 cm hring skv. nánari útfærslu kennara. Leiðbeinendur verða Jóhann Vilhjálmsson, byssusmiður, og Vignir J. Jónasson, hreindýraleiðsögumaður.
Skráning á námskeiðin fer fram á tölvupóstfang : Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. eða hjá umsjónarmönnum á Álfsnesi.