Riffilnefnd SR hefur verið sett á laggirnar. Í henni sitja Magnús Sigurðsson sem er formaður hennar, Hjálmar Ævarsson og Kjartan Friðriksson. 

Ásgeir Sigurgeirsson er kominn uppí 28.sæti á heimslistanum í Frjálsri skammbyssu. Hann rauk upp listann eftir frábæran árangur á heimsbikarmótinu í Kóreu um daginn. Hann var í 89.sæti á síðasta list. Í Loftskammbyssunni færðist hann úr 55.sæti í það 60. en hann átti við veikindi að stríða á mótinu í Kóreu og var þar langt frá sínu besta. Annars hreint frábær staða en enginn Íslendingur hefur áður komist svo hátt á Heimslista í skotfimi.

Íslandsmótin í Loftskammbyssu og Loftriffli verða haldin í Egilshöllinni á laugardaginn kemur, 30.apríl. Lokað er fyrir almennar æfingar þann dag. Mettþátttaka er á mótunum eða alls 32 keppendur. Riðlaskiptingin er komin og er aðgengileg hérna.

Örn Valdimarsson sigraði á Páskamótinu í Skeet á laugardaginn. Skorin voru þannig:

• 1. Örn Valdimarsson           18-22-22=62 + 24 = 86
• 2. Þorgeir M.Þorgeirsson     20-21-21=62 + 20 = 82
• 3. Óskar Karlsson              17-20-20=57 + 23 = 80
• 4. Stefán G.Örlygsson        19-19-20=58 + 20 = 78
• 5. Hjörtur Sigurðsson         18-20-19=57 + 17 = 74
• 6. Guðmundur Pálsson       15-16-21=52 + 16 = 68
• 7. Vignir J.Vignisson           12-16-16=44
• 8. Guðbrandur Kjartansson 11-15-14=40

Guðmundur Helgi Christensen sigraði á Páskamóti SR í loftriffli í gærkvöldi á nýju Reykjavíkumeti, 580 stig. Í öðru sæti varð Íris Eva Einarsdóttir og í 3ja sæti Sigfús Tryggvi Blumenstein. Í loftskammbyssu sigraði Ásgeir Sigurgeirsson að vanda með 578 stig. Í öðru sæti varð Jórunn Harðardóttir og í 3ja Guðmundur Kr Gíslason.